MAZMUR 91 - KITAB NU TUMPU ALLA LELE MA'IMAI'

Mihohung' hi Tumpu

¹ Mian anu mihohung' hi Anu Matangkas na Kuasanyo, ka' jojoong mingkong hi Anu Daka' na Kuasanyo,

² timbali motatae hi Tumpu, “Belentomo na anu montinjohi ka' monjagai mae aku, Tumpu-ngku, Belentomo na ku palesaya.”

³ Ia na molapasakon beleyum da madi' nukona nu kasilakan anu opohowini, ka' panyakit anu momboa kasilakan.

⁴ Ia na nongkukubi beleyum nu polipiknyo sahingga beleyum madi' ko anu mompoposia kiijo' i uno nyo; kanonongan-Nyo sumomo kanta monjagai beleyum.

⁵ Beleyum bolimo mabuhuk i balaa' anu toka mae pihi, kabai anu saintolo-tolo montumbuhimo mae sinaa;

⁶ kabai balaa' anu toka mae salatan pintungmo, kabai kasilakan anu montokai mae sonsu'un sinaa.

⁷ Maumo 1.000 na mian silaka i sohipi' nu beleyum, ka' 10.000 i sasu koanan nu beleyum, panyo beleyum madi' kinona nu apa-apaa.

⁸ De beleyum montoa atina' titikub hi beleyum beleyum montoamo mian anu ma'idek na kinyonyoanyo, kinonamo nu pombalosakon.

⁹ Kalana beleyum nongalamo Tumpu da tinimbali anu nonsangaja'i beleyum. Anu Matangkas na Kuasanyo ingalamo nu beleyum salaku anu monjagaimo beleyum.

¹⁰ Sahingga beleyum madi'mo nutokai mae nu balaa', laigan nu beleyum madi'mo nutokai mae nu balaa'.

¹¹ Tumpu Allah nonsaimo mae malaekatnyo monjagai beleyum, da monjagai beleyum maumo pa' moya na beleyum mamba.

¹² Aha mohangkatmo beleyum i pala nu lima nu aha, da tengke nu beleyum boli tosumpun i batu.

¹³ Beleyum so' moliu-liu ulo ka' singa, mompeja'mo anak nu singa ka' ulo anu ko bisa'nyo.

¹⁴ Tumpu notatae, “Mian anu mongka'ima'i Aku tionyo ahi'. Ku posalamat, anu mongakui aku tionyo ahi' ku jagai.

¹⁵ De ia mongkakase mae hi belengku, tionyo Ku taami. De nutokaimo nu kasusa'an tionyo ahi' Ku tulungi na ia; ia tionyo ahi' ku lapasakon da madi' mohumpak balaa' ka' mule' ia Ku bee'imo kaholomatan.

¹⁶ Ia tionyo ahi' Ku po'osa nu umun panjang ka' Ku posalamatmo.”