MAZMUR 70 - KITAB NU TUMPU ALLA LELE MA'IMAI'

Do'a mongkakase da otulungi mae

¹ Anu mongkapalai panyanyi. Nyanyian i Daud tempo'nyo nonsombahkonmo koloban monginau' apa-apaa na balakat nu Tumpu anu binee'Nyomo mae.

² O, Tumpu, posalamatakon mae na aku, O, Tumpu, sampamo tulungi mae na aku!

³ Bakas da mian anu kahanda'mo mae, monsilakai aku opatundu'mo ka' mopalaimo sahingga madi'mo nusumbu-sumbu' na popalaiannyo. Bakas da mian anu nohagaimo mae aku anu nohumpakmo kasusa'an sumo aiya opatundu'mo ka' opopo'ambangmo.

⁴ Bakas da mian anu mongkokojoimo mae aku tolokengkengmo ka' ma'ambangmo.

⁵ O'amalakon da iwi-iwi' na mian anu nonsombahmo Belento sanangmo na kinyonyoanyo ka' lame'mo; ka' iwi-iwi' na anu mongka'ima'i kasalamatan anu lengkat mae hi Belento, balomo motatae, “Totu-totu'u Tumpu talasanggo!”

⁶ Aku aiya kasiasi ka' madi'mo moko ala mombau apa-apaa; tokamo mae lia-lia', o, Tumpu. Belentomo na anu montulungi mae ka' momposalamat aku, boli mae pin, o, Tumpu.