MAZMUR 67 - KITAB NU TUMPU ALLA LELE MA'IMAI'

Nyanyian bau pontalima kaseh

¹ Anu mongkapalai panyanyi. Okuti'akon kasapi. Mazmur.

² O'amalakon da Tumpu mongkalibosi mae ka' mombalakati kita, o'amalakon da Ia montoa mae kita sanang na kinyonyoa-Nyo.

³ O, Tumpu, o'amalakon da apaa na anu Nu kahanda'i, songko-songko na dunia aiya monsumbu' ka' kasalamatan anu lengkat mae hi Belento oponyata'akonmo hi iwi-iwi' na bansa.

⁴ O'amalakon da iwiiwi' na bansa mompuji' Belento o Tumpu, o'amalakon da iwi-iwi' na bansa monsumbu' montalima kaseh hi Belento.

⁵ O'amalakon da iwi-iwi' na bansa montaligalai lame-lame', ka' obau bila-bilahi na manyanyi. Kalana Belento mompalentah adin, ka' mompotiju' jalan nu kantumuu'an hi batu-batu bansa i dunia aiya.

⁶ O'amalakon da iwi-iwi' na bansa mompuji' Belento, o, Tumpu, o'amalakon da iwi-iwi' na bansa monsumbu' montalima kase hi Belento.

⁷ Tano' kino hasinnyomo, Tumpu, Tumpunto nombalakatimo mae kita.

⁸ Tumpu Allah nombalakatimo mae kita; o'amalakon da songko-songko na dunia molohomati Ia.