MAZMUR 47 - KITAB NU TUMPU ALLA LELE MA'IMAI'

Tumpu Anu Balakuasa Talasanggo hondo

¹ Mazmur nu aha sa'anakan i Korah. Anu mongkapalai panyanyi.

² Pohapa'i lima lame-lame', o iwi-iwi' na bansa! Opuji' na Tumpu ka' pontaligalai!

³ Kalana Tumpu Anu Matangkas na Kuasa-Nyo opalias hondo, Tomundo' anu Talasanggo mongkuasai songko-songko na dunia.

⁴ Ia nombee'imo mae kita ka untungan nahampate nongewa bansa-bansa, nompojadimo kita binalakuasa hi aha to tulu-tulunan nu bansa.

⁵ Ia nompile'iakonmo mae tano' bau baginto da bau pusaka'to, da bau katalasanggoan nu bansa anu Nu kalibosi.

⁶ Tumpu noliba'mo nokiita' ikasuhangan-Nyo, ka' mian sola'mo nontaligalai ka' sangkakala opo onyi'mo.

⁷ Nyanyian, nyanyian bau pompuji' Tumpu, nyanyimo na bau pompuji' Tomundo'to!

⁸ Tumpu atina'mo na Tomundo' isongko-songko na dunia, opuji' na Ia nu nyanyian anu ma'ima' hondo!

⁹ Tumpu sumuhang aita' i kadela-Nyo anu susi'; Ia mompalentah aha to bansa-bansa.

¹⁰ To pola-polaya' nu bansa-bansa no sa'angu'mo salaku mian anu palesayamo hi Tumpu nu nu sombah i Abraham. Kalana Tumpu atina'mo na Tomundo' nu iwi-iwi' na tomundo, Ia talalo ahi' talasanggo ka' talalo oholomati.