MAZMUR 46 - KITAB NU TUMPU ALLA LELE MA'IMAI'

Tumpu na montoa mae ka' montulungi kita

¹ Mazmur nu aha sa'anakan i Korah. Aku mongkapalai panyanyi. Lagunyo lagu nu Alamot.

² Tumpu aijo'mo na pinsondo'an ka' timbali kahosonanto; Ia saja' sasadia ka' moko ala ahi' montulungi i uno nu kasusa'an.

³ Sahingga kita madi'mo mabuhuk, maumo ahi' tano' tolohunjongmo, ka' bungkutnyo iwi-iwi' tatanomo ilananyo nu ambai;

⁴ maumo ahi' ambai motomuhukmo ka' mule' bokolonmo ka' puge'nyo iwi-iwi' gayu'anmo kalana hosonnyo nu bokon.

⁵ Daagi' ko kaunyo anu mo ili mae mompolame'mo kota' nu Tumpu, tampat kajojoong nu Tumpu Anu Matangkas na Kuasa-Nyo.

⁶ Tumpu jojoong kiita' mae, sahingga kota aijo' madi' hansun; Ia na montulungi mae salatan jingka bete'mo mae.

⁷ Tumpu notataemo mae susumo gohung na onyi'nyo, sahingga tano' nohintutumo; to bansa-bansa kinalangkabutmo, to kara-karaja'an nahungku'mo.

⁸ Tumpu Anu Balakuasa hondo montoa mae kita, Tumpu i Yakub monjagai mae kita.

⁹ Imbo' toa pa' apaa na anu binaumo nu Tumpu; talalo ahi' okabangangi na anu binau-Nyomo i dunia aiya!

¹⁰ Ia nompobelentimo pahampatean isongko-songko na dunia aiya, pelet tiba talombo' ihansunan-Nyomo, kanta toto timpo-timpodon pinapuannyo-Mo,

¹¹ Ia notatae, “Belentimo na mahampate; da osumbu' saba, Akumo aiya na Tumpu, Aku talasanggo madi' pokakana bansa-bansa, talasanggo isongko-songko na dunia.”

¹² Tumpu Anu Balakuasa montoa mae kita, Tumpu i Yakub monjagai mae kita.