MAZMUR 43 - KITAB NU TUMPU ALLA LELE MA'IMAI'

Do'a kiijo' mae itano' pinomboan aha

¹ Bee'i mae ka adinan hi belengku, o Tumpu, tinjohiakon mae na aku da madi' nu kabisa'i nu bansa anu geguan. Pobebas mae na aku da madi' nu patei nu mian anu ma'idek na kinyonyoa nu aha tiba anu saja' mongakali.

² Belentomo na Tumpu, anu monjagai mae aku; kadaka' Belento nompala'imo aku? Kadaka' aku me saja' mongoa'i sansala', kalana talalomo ahi' na pombau mae nu aha anu monsampobali' mae aku?

³ Potoamo mae na kanonongan nu Belento bau ponjingkai mae ka' mule' montaka aku, da aku minsusule'mo i Sion, puge'nyo nu Belento anu susi' ka' mambamo i Laigan kakajoongan nu Belento.

⁴ Sahingga aku mompanjolongimo mezbah nu Tumpu, mangadap hi Tumpu anu pinolengkatan mae nu ka'ima'an nu kantumuu'anku. Aku manyanyimo ka' mongkuti'mo kasapi', bau pompuji' Belento, O Tumpu, Tumpungku.

⁵ Kadaka' kinyonyoangku sinusa'mo ka' madi'mo tinatap? Aku montaha'imani Tumpu, sahingga aku daagi' ahi' montalima kaseh hi Ia, hi Tumpungku ka' anu momposalamat aku.