MAZMUR 42 - KITAB NU TUMPU ALLA LELE MA'IMAI'

KITAB KO OHUA'NYOMO: MAZMUR 42–72 Do'a kiijo' mae itano' pinomboan aha

¹ Anu mongkapalai panyanyi. Nyanyian pangajalan aha sa'anakan i Korah.

² Susumo jonga mongindimo uee nu kaunyo sumo aijo'mo na santuu'ku lewa'mo mongindi' Belento, o Tumpu Allah.

³ Aku mongindimo Tumpu anu tumuu' pa' hipianje na aku mamba monsombah i Laigan-Nyo?

⁴ Sinaa pihi aku sola'mo humang, me mongkaan lolu'ku. Sansina-sina na sampobali'ku mompokilawa mae, “Iyamo mae na Tumpu nu beleyum?”

⁵ Kinyonyoangku susa'mo de tonginau'mo naipuan mae, salatan aku mambamo i Laigan nu Tumpu, hingga-hinggat tiba mian da'i-da'isan anu mombaumo lamean. Aku ilumajang mamba momona hi aha anu lumajang lame-lame' lewa' montaligalai ka' manyanyi bau pompuji' Tumpu.

⁶ Kadaka' kinyonyoangku sinusa'mo ka' madi'mo tinatap na kinyonyoa? Aku montaha'imani Tumpu. Sahingga aku daagi' ahi' montalima kaseh hi Ia, hi Tumpungku ka' anu momposalamat aku.

^7-8 Itano' pinomboan mae aiya kinyonyoangku nohintutumo hondo, kalana aijo' aku tinonginau'mo hi Tumpu. Santuu'ku na'anjumo isolok nu kasusa'an aku inganjuhakonmo nuiaba' mompokalangkabut; sumomo ahi' buhok nu uee Kaunyo nu Yordan itampat anu masolok lengkat mae i bungkutnyo nu Hermon tiba Bungkutnyo nu Mizar.

⁹ O'amalakon da Tumpu mompotoa mae kalibosan-Nyo de sinaamo, sahingga de malomo aku manyanyimo, ka' balado'amo hi Tumpu anu pinolengkatan mae nu kantumuu'anku.

¹⁰ Aku notataemo hi Tumpu anu nontinjohimo mae aku, “Kadaka' Belento nongkolilimimo mae aku? Kadaka' aku me saja' mongoa'i sansala, kalana talalomo ahi' na pombau mae nu aha anu monsampobali' aku?”

¹¹ Kinyonyoangku nohintutumo hondo kalana sola'mo mae nu kokojoi nu sampobali', Aha saja'mo mae mompokilawa, “Iyamo mae na Tumpu nu beleyum?”

¹² Kadaka' kinyonyoangku sinusa'mo ka' madi'mo tinatap na kinyonyoa? Aku montaha'imani Tumpu. Sahingga aku daagi' ahi' montalima kaseh hi Ia, hi Tumpu-ngku ka' anu momposalamat aku.