MAZMUR 3 - KITAB NU TUMPU ALLA LELE MA'IMAI'

Do'a daagi' subu

¹ Mazmur i Daud, tempo'nyo ia mopalaimo nompala'imo natikojo'onmo hi anaknyo, i Absalom.

² O Tumpu, talalo hondo manjoo' na anu monsampobali' aku, manjoo'mo hondo na anu molambani mae aku!

³ Manjo'mo na anu nompoto'i tukoonyo nu aha Tumpu madi'mo montulungi aku.

⁴ Panyo Belento, o Tumpu, sumomo kanta anu monjagai mae aku. Belento na mombee'i mae aku ka'untungan mahampate, ka' nu pobibi mae nu Belento na kinyonyoangku.

⁵ Aku nomoitamo tulung hi Tumpu; aita' mae i puge'-Nyo nu Tumpu anu susi' hondo tinaaman-Nyomo mae na aku.

⁶ Aku i nale'mo ka' i hoyotmo madi'mo ko anu nompoposia, ka' po'ule' mule' nobula, kalana Tumpu na nontinjohimo mae aku.

⁷ Aku madi' mabuhuk maumo momada-madala' na anu mongewa mae anu montikumo mae aku lengkat mae iyaya.

⁸ Posalamatakon mae na aku, o Tumpu-ngku, hukumakon ka' pengko'iakon na aha iwi-iwi' anu mongewa mae aku.

⁹ Lengkat mae hi Belento o Tumpu na anu montulungi mae halala' pe'e mae na mombalakati mian anu palesayamo hi Belento.