MAZMUR 29 - KITAB NU TUMPU ALLA LELE MA'IMAI'

Potatae nu Tumpu i uno nu antong

¹ Mazmur i Daud. O puji' na Tumpu, o to mala-malaekat kiita' isuluga', opuji' na kaholomatan tiba kakuasa'an-Nyo.

² O puji' na sanggo nu Tumpu anu talasanggo osombah na Ia nu baju' anu opusok de monsombahmo.

³ Tumpu anu oholomati hondo sumomo ahi' gohung ibawo nu ambai potatae-Nyo naloungmo ibawo nu ndalangon.

⁴ Potatae nu Tumpu ihongomo kaho kuasa ka' mule' talalo ahi' okalame'i.

⁵ Potatae nu Tumpu montua'akon kau', nompato'akonmo kau' lontio' nu Libanon.

⁶ Bungkutnyo nu Libanon binau-Nyomo sahingga nalalumpatmo susumo anak nu sapi' Bungkutnyo nu Siryon naha lumpatanmo susumo anak nu sapi' banteng.

⁷ Potatae nu Tumpu nombaumo da kilat nontuda'mo anu nu tuda'

⁸ Potatae nu Tumpu nonggayu'mo padang tampat anu mateges Tumpu nonggayu'mo padang tampat anu mateges i daerah Kades.

⁹ Potatae nu Tumpu nonggegutmo kau' berangan, ka' nohontangmo na hon nu kau' iwi-iwi' i uno nu alas; Panyo i uno nu Laigan nu Tumpu mian anu palesayamo notataemo daka-daka' “O puji' na Tumpu!”

¹⁰ Tumpu nongkuasaimo iaba' daka-daka' hondo aijo'mo air bah, Ia binalakuasamo salaku Tomundo' sampe toka sidu-sidutu'.

¹¹ O'amalakon da Tumpu mombee'i mae kahosonan hi mian anu palesayamo hi Ia, ka' mompobilahimo kantumuu'an nu aha.