MAZMUR 15 - KITAB NU TUMPU ALLA LELE MA'IMAI'

Anu timbali toka hi Tumpu

¹ Tumpu, ihe na timbali jojoong sasaingoni' i Kemah nu Belento ka' jojoongi bungkutnyo nu Belento anu susi'.

² Mian anu kantumuu'annyo madi' ko alunyo ka' saja' mombau anu ma'ima', ka' madi' baleko' na montaloakon anu totu'u;

³ anu madi' lewa' mompobau-bau sangko mian, madi' mombau anu ma'idek hi sangko sangalunyo, ka' madi' lewa' mongalu mian anu mompaha ohani na laigan;

⁴ anu monsangka madi'mo ko angga'nyo na mian, de madi'mo nukali-kalinga nu Tumpu, panyo mongadati mian anu mohongo-hongo Tumpu; anu madi' toho' mombaleko'i apaa na anu jinanji'mo, maumo ahi' lugi'

⁵ ka' monsaboli doi madi' pilenje mongala ueenyo; anu madi' mongka'oho' mongala doi bau pontamboi da opolugi' na mian anu madi' ko kasala'annyo. Mian anu saja' mombau susumo aijo', saja' sanang na ia mingkinyonyoa.