MAZMUR 149 - KITAB NU TUMPU ALLA LELE MA'IMAI'

Nyanyian bau pompuji'

¹ Opuji' na Tumpu! Nyanyiakon na nyanyian anu sala'je ingajan bau pompuji' Tumpu, opuji' na Ia, ikasintomuan nu mian anu palesayamo hi Ia!

² Balame-lame'mo, o Israel kalana Ia na anu nompotimbalimo beleyum; bila-bilahimo, o mian anu jojoong i Sion kalana tomundo' nu beleyum!

³ Opuji' na sanggo-Nyo ka' ponsalelei, opuji' na Ia ka' okuti'akon kasapi' ka' ohapa'i na gandang!

⁴ Tumpu mongka'ima'i hondo mian anu palesayamo hi Ia; Ia mombee'i ka'untungan mahampate hi mian anu madi' buulon.

⁵ Bakas da mian anu palesayamo hi Tumpu balame-lame' kalana kakaya'an-Nyo, ka' manyanyi sampahu na lewa' bilahi.

⁶ Bakas da aha mompuji' Tumpu, otaloakon linsi-linsingan, ka' montoongi bajak anu binoitmo

⁷ bau pombalosi to bansa-bansa, ka' pohukum tulunan nu to bansa-bansa;

⁸ da opungu na to tomu-tomundo' ka' bau polante' to mia-mian anu mongkuasai aha;

⁹ da ohukumo na to bansa-bansa kalana palentah nu Tumpu. Aijo'mo na ka'untungan nahampate na mian anu Nu kalibosi. O puji' na Tumpu!