MAZMUR 128 - KITAB NU TUMPU ALLA LELE MA'IMAI'

Auwan anu obalakati

¹ Nyanyian mamba i tampat anu ko balakatnyo. Mohumpak kantumuu'an ma'ima' na mian anu mongkabuhuk ka' montuluti palentah nu Tumpu.

² Beleyum mongkaanmo hasin nu anu nu kalaja, kantumuu'an sukupmo ka' mongoa'imo kasanangan.

³ Bengkele' nu beleyum sumomo kau' anggur anu molumba'mo, i uno nu laigan nu beleyum. To ana-anak nu beleyum sumomo sumpe nu kau' zaitun montiikubimo meja' nu beleyum.

⁴ Sumomo aijo' na Tumpu mombalakati mian anu tulu-tulutan hi Ia.

⁵ O'amalakon da Tumpu kiita' mae i Sion mombalakatimo mae beleyum. O'amalakon da beleyum montoa kantumuu'an ma'ima' anu sukupmo i Yerusalem sansina-sinaa.

⁶ O'amalakon da umu-umunakon na beleyum, ka' montoa pe'e makumpu nu beleyum! O'amalakon da mian anu jojoong atina hi beleyum mongoa'imo kasanangan'.