MAZMUR 122 - KITAB NU TUMPU ALLA LELE MA'IMAI'

Pompuji' Yerusalem

¹ Nyanyian i Daud mamba i tampat anu ko balakatnyo. Aku lame' hondo salatan mian nompoto'imo hi belengku, “Imbo' da kita mambamo i Laigan nu Tumpu!”

² Uuka aiya kami tinokamo i sabatan daka' nu kota' Yerusalem.

³ Yerusalem anu binau salaku kota' pinaha posusunmo ima-ima.

⁴ I aiyamo na katokaan mae nu tulunan nu to bansa-bansa, tulunan nu to bansa-bansa anu pinile'anmo nu Tumpu, da montalima kaseh hi Ia susumo anu pinalentahkon-Nyomo.

⁵ I aiyamo na to tomu-tomundo lee' mae i Daud; no bee'i hukuman layatnyo.

⁶ Odo'akon na Yerusalem da mohumpak ka'imaan, “O' amalakon da iwi-iwi' na mian anu mongka'ima'i beleyum mohumpak kantumuu'an mai maima.

⁷ O' amalakon da ko kadamean i uno nu da'erah nu beleyum, ka' madi' ko anu mompoposia benteng miu iwi-iwi'.”

⁸ Kona hi to utu-utus ka' to sanga-sangalungku aku motatae, “O' amalakon da beleyum mohumpak kantumuuan ma'ima'!”

⁹ Kona hi Laigan nu Tumpu, Tumpu-nto, aku balado'a da beleyum mohumpak ka'imaan.