MAZMUR 114 - KITAB NU TUMPU ALLA LELE MA'IMAI'

Nyanyian Paskah

¹ Salatan bansa Israel nosabatmo mae lengkat i Mesir, tempo'nyo lee' i Yakub mompala'imo mae lipu' nu mian anu i Salipu'an.

² Tumpu nompotimbalimo Yehuda tampat-Nyo anu susi'.

³ Ambai Gelagah nontoamo-Ia lantas nopalaimo, Kaunyo nu Yordan madi'mo no ili.

⁴ Iwi-iwi na bungkutnyo naha lumpatanmo susumo mee', iwi-iwi' na puge'nyo suele naha lumpatanmo susumo anak nu domba.

⁵ Nosiamo, o, ambai, sahingga beleyum nopalaimo, ka' mule' Kaunyo nu Yordan madi'mo no ili?

⁶ Nosiamo na belemiu iwi-iwi na bungkutnyo ka' naha lumpatanmo ka' belemiu iwi-iwi' na puge'nyo naha lumpatanmo?

⁷ O, tano', langkakatanmo na beleyum i ahop nu Tumpu, i ahap nu Tumpu i Yakub,

⁸ anu nombali'imo batu gahanggan da tinimbali talaga nu uee, ka' bungkutnyo nu batu tinimbalimo mata nu uee.