MAZMUR 11 - KITAB NU TUMPU ALLA LELE MA'IMAI'

Hi Tumpu na tampat pihohungan

¹ Anu mihohung panyanyi. Mazmur i Daud. Aku minsondo' hi Tumpu; madi' kogunanyo na motatae hi belengku, “Posalamat na butong nu beleyum susumo tomonsi' anu lumap mokiita' i bungkutnyo.

² Kalana mian anu ma'idek na kinyonyoanyo mompana'akonmo mae pana'nyo ka' nompokonamo hihisnyo kahanda'mo nu pana'akon i tampat anu pintung hi mian anu madi' tageo' na kinyonyoanyo.

³ De atulan nu mian da'isan madi' talakana' mian anu ma'ima' na kinyonyoanyo madi' moko ala mombau apa-apaa.”

⁴ Tumpu kiita' mae i Laigan-Nyo anu susi' hondo, kasuhangan-Nyo kiita' mae i suluga'. Ia lewa' mompotomatakon mian ka' monsumbu' iwi-iwi' apaa na anu nubau nu aha.

⁵ Tumpu monguji' mian anu ma'ima' na kinyonyoanyo ka' mian anu ma'idek na kinyonyoanyo Ia mongka'ideki mian anu saja' singgi.

⁶ Mian anu ma'idek na kinyonyoa-Nyo nu hukum nu balaa' nu Tumpu, tiba apu, belelang, ka' mombun anu montoyo'i.

⁷ Kalana Tumpu manonong ka' adin, Ia mongkalibosi mian anu mombau anu ma'ima' mian anu madi' tageo' na kinyonyoanyo montoa ka' monsumbu' Tumpu.