ESTER 10 - KITAB NU TUMPU ALLA LELE MA'IMAI'

Kakuasa'an i Ahasyweros tiba i Mordekhai

¹ I tomundo' Ahasyweros nongatunmo pakalaja'an anu opakisa, misa ola hi to mia-mian anu i daerah-daerah sasu biwi nu ambai anu i uno nu kalaja'annyo, panyo suele i daerah-daerah anu majo'on na ambai.

² Iwi-iwi' na palabuatan anu ingusahakonnyo singka-singkap talasanggo ka' anu okabangangi ka' suele sisikon mosia na ia nohangkatmo i Mordekhai tinimbali pangkat anu matangkas, tinulismo i uno nu kitab sisikon nu to tomu-tomundo' Persia tiba Media.

³ I Mordekhai mian nu aha Yahudi aijo' tataap montoongi pangkat anu matangkas panyo i aluknyo ahi' nu kakuasa'an i Tomundo' Ahasyweros. I Mordekhai oholomati ka' nu ka' ima'i nu to mia-mian anu bubu' bansa nu aha. Ia binala usahamo totu-totu'u bau ka' ima'an ka' kamajuan nu bansanyo ka' mule' iwi-iwi' na lee' nu aha.