1 TAWARIKH 7 - KITAB NU TUMPU ALLA LELE MA'IMAI'

Lee' i Isakhar

¹ I Isakhar kino anak aha opat na mo'ane: i Tola, i Pus, i Yasub tiba i Simron.

² I Tola kino anak aha anom na mo'ane: i Uzi, i Refaya, i Yeriel, i Yahmai, i Yibsan tiba i Samuel. Ahamo aijo' na to tu'a-tu'anyo nu auwan hi aha sa'anakan mae i Tola ka' anu talasanggo hondo baani na bau suludadu. Tempo'nyo daagi i Tomundo' Daud, lee' nu aha konjoo'nyo 22.600 na mian.

³ I Uzi kino anak mo'ane samian sanggonyo i Yizraya. I Yizraya ka' anaknyo to momo'ane aha opat aijo'mo i Mikhael, i Obaja, i Yo'el tiba i Yisia, aha aijo' to pola-polaya' nu aha.

⁴ To bengke-bengkele' ka' to ana-anak nu aha manjoo' hondo, sahingga lee' nu aha noko ala nomposadia aha 36.000 na to momo'ane anu timbali ohangkat bau suludadu.

⁵ Anu tinulis i daputan anu matantu hondo auwan iwi-iwi' hi aha tulunan nu bansa Isakhar 87.000 na to momo'ane anu timbali o hangkat bau suludadu.

Lee' i Benyamin tiba lee' i Dan

⁶ I Benyamin kino anak mo'ane aha totolu'; i Bela, i Bekher, tiba i Yediael.

⁷ I Bela kino anak mo'ane aha olima'; i Ezbon, i Uzi, i Uziel, i Yerimot tiba i Iri. Ahamo aijo' na to tu'a-tu'anyo nu auwan ni aha sa'anakan ka' anu talasanggo hondo baani na bau suludadu. Anu tinulis i daputan na lee' nu aha 22.034 na to momo'ane anu timbali o hangkat bau suludadu.

⁸ I Bekher kino anak mo'ane aha osio': i Zemiri, i Yoas, i Elieser, i Elyo'enai, i Omri, i Yeremot, i Abia, i Anatot tiba i Alemet.

⁹ Ahamo aijo' na to tu'a-tu'anyo nu auwan hi aha sa'anakan. Anu tinulis i daputan anu matantu hondo, auwan iwi-iwi' hi aha 20.200 na to momo'ane anu timbali o hangkat bau suludadu.

¹⁰ I Yediael kino anak mo'ane samian sanggonyo i Bilhan. I Bilhan kino anak mo'ane aha popitu': i Yeus, i Benyamin, i Ehud, i Kanaana, i Zetan, i Tarsis tiba i Ahisahar.

¹¹ Ahamo aijo' na to tu'a-tu'anyo nu auwan hi aha sa'anakan ka' anu talasanggo hondo baani na bau suludadu.

¹² I Supim tiba i Hupim aijo'mo na lee' i Ir. I Husim aijo'mo na anak i Dan.

Lee' i Naftali

¹³ I Naftali kino anak mo'ane aha opat: i Yahziel, i Guni, i Yezer tiba i Salum. Aha aijo'mo na makumpu i Bilha.

Lee' i Manasye

¹⁴ I Manasye tiba ambahue'nyo samian, mian nu aha Aram, kino anak mo'ane ua'aha: i Asriel tiba i Makhir. Anak i Makhir aijo'mo i Gilead.

¹⁵ I Makhir noliomo boune da baumo bengkele' i Hupim ka' suele i Supim. Sanggo nu bengkele' i Makhir aijo'mo i Maakha. Anak i Makhir anu ko ohua'nyo aijo'mo i Zelafead. I Zelafead madi' kino anak mo'ane ola anak boune.

¹⁶ I Maakha bengkele' i Makhir nohampeakonmo ohua' na anak mo'ane anu sinanggohan i Peres tiba i Seres; i Peres kino anak mo'ane ua'aha sanggonyo i Ulam tiba i Rekem.

¹⁷ I Ulam kino anak mo'ane samian sanggonyo i Bedan. Aijo'mo na lee' i Gilead anak i Makhir makumpu i Manasye.

¹⁸ Utus boune i Gilead sanggonyo i Molekhet kino anak mo'ane aha totolu'; i Syhod, i Abiezer tiba i Mahla.

¹⁹ I Semida kino anak mo'ane aha opat: i Ahyan, i Sekhem, i Likhi tiba i Aniam.

Lee' i Efraim

^20-21 I Efraim kino anak aha totolu': i Sutelah, i Ezer tiba i Elad. Lundu-lunduannyo mae nu lee' i Efraim lengkat mae hi Sutelah aijo'mo, i Bered, i Tahat, i Elada, i Tahat, i Zabad, i Sutelah. I Eser tiba i Elad pinatean tempo'nyo aha nontomangmo potuu'on nu aha tumpu nu lipu' Gad.

²² Tuuma nu aha lewa'mo nohaangi sansina-sinaa sahingga to utu-utusnyo tinokamo lewa'mo nohibun ia.

²³ Lapas mae i Efrai noduhusmo mule' tiba bengkele'nyo, lantas bengkele'nyo aijo' pinoboamo ka' nohampeakonmo samian na anak mo'ane. Anak aijo' sinanggohan i Efraim: i Beria, kalana balaa' anu ingoa'anmo nu aha aijo'.

²⁴ I Efraim kino anak bouene sanggonyo i Seera. Iamo aijo' na nompotinjo kota' Bet-Horon anu akaong i Aluknyo ka' anu aita' i Bawonyo ka' mule' kota' Uza ka' Seera.

²⁵ Daagi' mule' ko anak samian, mo'ane na i Efraim sanggonyo i Refah. Aiya na lundu-lunduannyo mae nu lee' i Refah: i Resef, i Telah, i Tahan,

²⁶ i Ladan, i Amihud, i Elisama,

²⁷ i Nun, i Yosua.

²⁸ Da'erah anu binee' da bau kajojoongan nu aha: lengkat mae i Betel toka-toka i Naaran na kojo'onnyo sasu kabete'an, ka' Gezer i sasu kinsoban tiba kampungnyo anu i da'erah nu kota' aijo', tiba kampungnyo anu i da'erahnyo aijo'.

²⁹ Lee' i Manasye na mongkuasai kota' Bet-Sean, Taanakh, Megido, Dor tibamo kampungnyo anu i da'erahnyo aijo'. Aijo'mo iwi-iwi' na da'erah kajojoongan nu lee' i Yusuf anak i Yakub.

Lee' i Asyer

³⁰ Aiya na lee' mae i Asyer. Ia kino anak aha opat na mo'ane; i Yimna, i Yiswa, i Yiswi, i Beria tiba samian na anak boune sanggonyo i Serah.

³¹ I Beria kino anak mo'ane ua'aha aijo'mo, i Heber tiba i Malkiel anu nombau kota' Birzait.

³² I Heber kino anak mo'ane aha totolu': i Yaflet, i Somer, i Hotam tiba samian na anak boune sanggonyo i Sua.

³³ I Yafet suele kino anak mo'ane aha totolu': i Pasakh, i Bimhab, tiba i Aswat.

³⁴ I Somer utus i Yaflet kino anak mo'ane aha opat: i Ahi, i Rohga, i Yehuba tiba i Aram.

³⁵ I Hotam, utusnyo mule' sangga'at i Yaflet kino anak mo'ane aha opat: i Zofah, i Yimna, i Seles tiba i Amal.

³⁶ Lee' i Sofah, aijo'mo i Suah, i Harnefes, i Syual, i Beri, i Yimra,

³⁷ i Bezer, i Hod, i Sama, i Silsa, i Yitran tiba i Beera.

³⁸ Lee' i Yeter aijo'mo, i Yefune, i Pispa tiba i Ara.

³⁹ Lee' i Ula aijo'mo, i Arah, i Haniel tiba i Rizya.

⁴⁰ Aijo'mo na lee' i Asyer. Aha iwi-iwi' to tu'a-tu'anyo nu auwan ka' talasanggo hondo salaku mian anu baani hondo ka' salaku to pola-polaya' anu matangkas na pangkatnyo nu aha. I uno nu daputan tinulis na lee' i Asyer, aha 26.000 na to momo'ane anu timbali o hangkat bau suludadu.