1 TAWARIKH 1 - KITAB NU TUMPU ALLA LELE MA'IMAI'

Lee' mae i Adam sampe toka hi Abraham Lengkat mae hi Adam sampe tinoka hi Nuh

^1-4 Tundulan nu aha mompolee' nu bansa Israel lengkat pe'e mae hi Adam sampe tinoka-toka hi Nuh, lundu-lunduannyo sumo uuka: i Adam i Set i Enos i Kenan i Mahalaleel i Yared i Henokh i Metusalah i Lamekh i Nuh. To ana-anak mo'ane i Nuh aha totolu' aijo'mo: i Sem, i Ham, tiba i Yafet.

Bansa-bansa lee' mae i Nuh

⁵ To ana-anak mo'ane i Yafet aijo'mo: i Gomer, i Magog, i Madai, i Yawan, i Tubal, i Mesekh, i Tiras. Ahamo na mompolee' mae nu to bansa-bansa anu sinanggohanmo susumo sanggo nu aha.

⁶ Lee' mae i Gomer aijo'mo: aha mian nu Askenas, Rifat ka' Togarma.

⁷ Lee' mae i Yawan aijo'mo: Aha mian nu Elisa, Spanyol Siprus, ka' Rodes.

⁸ To ana-anak mo'ane i Ham aijo'mo: i Kus, i Mesir, i Libia, ka' i Kana'an. Ahamo na mompolee' mae nu to bansa-bansa anu sinanggohanmo susumo sanggo nu aha.

⁹ Lee' mae i Kus aijo'mo aha mian nu Seba, Hawila, Sabta, Raema ka' Sabtekha. Lee' mae i Raema aijo'mo aha mian nu Syeba, ka' Dedan. (

¹⁰ I Kus kino anak mo'ane samian sanggonyo i Nimrod, anu momona hondo tinimbali tomundo' ka' baani hondo i songko-songko na dunia.)

¹¹ Lee' mae i Mesir aijo'mo: aha mian nu Lidia, Lehabim, Naftuhim,

¹² Patrusim, Kasluhim, ka' Kreta. Aha aijo'mo na mompolee' mae nu mian nu Filistin.

¹³ To ana-anak mo'ane i Kana'an aijo'mo: i Sidon, tumpenyo ka' i Het. Ahamo na mompolee' mae nu bansa-bansa anu sinanggohanmo susumo sanggo nu aha.

¹⁴ I Kana'an suele mompolee' mae nu aha mian Yebusi, Amori, Girgasi

¹⁵ Hewi, Arki, Sini,

¹⁶ Arwadi, Semari, ka' Hamati.

¹⁷ To ana-anak mo'ane i Sem aijo'mo: i Elam, i Asyur, i Arpakhsad, i Lud, i Aram, i Us, i Hul, i Geter, ka' i Mesekh. Ahamo na mompolee' mae nu bansa-bansa anu sinanggohanmo susumo sanggo nu aha.

¹⁸ I Arpakhsad aijo'mo na tuuma i Selah, ka' i Selah tuuma i Eber.

¹⁹ I Eber kino anak mo'ane ua'aha; anu momona i Peleg na sanggonyo kalana tempo'nyo aitu bansa-bansa i dunia aiya nobagi-bagimo. Ko ohua'nyo i Yoktan na sanggonyo.

²⁰ Lee' mae i Yoktan aijo'mo aha mian nu Almodad, Selef, Hazar-Mawet, Yerah,

²¹ Hadoram, Uzal, Dikla,

²² Ebal, Abimael, Syeba,

²³ Ofir, Hawila ka' Yobab.

Lengkat mae hi Sem sampe tinoka hi Abraham

^24-27 Sisikon nu mompolee' mae nu aha bansa Israel lengkat pe'e mae hi Sem sampe tinoka hi Abraham, lundu-lunduannyo sumo uuka: i Sem i Arpakhsad i Selah i Eber i Peleg i Rehu i Serug i Nahor i Terah i Abram (ka'osanggohi mule' na ia i Abraham).

Lee' mae i Ismael

²⁸ I Abraham kino anak mo'ane ua'aha, aijo'mo; i Ishak tiba i Ismael.

²⁹ Aiya na to ana-anak i Ismael: i Nebayot, tumpenyo lantas i Kedar, i Adbeel, i Mibsam,

³⁰ i Misma, i Duma, i Masa, i Hadad, i Tema,

³¹ i Yetur, i Nafis, tiba i Kedma.

Lee' mae i Abraham hi Ketura

³² I Abraham kino ambahue'nyo sanggonyo i Ketura. Hi ambahue'nyo aijo' ia kino anak to momo'ane, sanggo nu aha: i Zimram, i Yoksan, i Medan, i Midian, i Isybak tiba i Suah. I Yoksan kino anak to momo'ane sanggo nu aha: i Syeba, tiba i Dedan.

³³ I Midian kino anak to momo'ane sanggo nu aha: i Efa, i Efer, i Hanokh, i Abida tiba i Eldaa.

Lee' mae i Esau anak i Ishak

³⁴ I Ishak anak i Abraham kino anak mo'ane ua'aha, aijo'mo: i Esau tiba i Yacub (anu suele lewa' osanggohi i Israel).

³⁵ To ana-anak mo'ane i Esau, aijo'mo; i Elifas, i Rehuel, i Yeus, i Yaelam tiba i Korah.

³⁶ I Elifas aijo'mo na mompolee' mae nu aha tulunan nu bansa Teman, Omar, Zefi, Gaetam, Kenas, Timna ka' Amalekh.

³⁷ I Rehuel, aijo'mo na mompolee' mae nu aha tulunan nu bansa Nahat, Zerah, Syama ka' Miza.

Tumpu nu lipu' i tano' Edom

^38-42 Tumpu nu lipu' i tano' Edom aijo'mo lee' mae nu aha to ana-anak i Seir, aijo'mo i Lotan, i Syobal, i Zibeon, i Ana, i Disyon, i Eser tiba i Disyan. To ana-anak mo'ane i Lotan aijo'mo, i Hori, tiba i Homan. I Lotan kino utusnyo samian na boune sanggonyo i Timna. To ana-anak mo'ane i Zibeon, aijo'mo i Aya, tiba i Ana. Anak i Ana aijo'mo i Disyon, ka' anak i Disyon aijo'mo i Hamran, i Esyban, i Yitran tiba i Keran. To ana-anak mo'ane i Ezer aijo'mo, i Bilhan, i Zaawan, tiba i Yaakan. To ana-anak mo'ane i Disyan aijo'mo, i Us tiba i Aran.

To tomu-tomundo' nu Edom

^43-50 Ma'isa pe'e kino tomundo'nyo nompalentah Israel, tano' nu Edom pinalentahmo nu to tomu-tomundo' haha aiya; nolundu-lundu sumo uuka: i Bela anak i Beor lengkat mae i Dinhaba i Yobab anak i Zerah lengkat mae i Bozra i Husya lengkat mae i da'erah nu aha mian nu Teman i Hadad anak i Bedad lengkat mae i Awit (iamo na nompatundu' mian nu Midian tempo'nyo nahampate i da'erah Moab), i Samla lengkat mae i Masyreka i Saul lengkat mae i Rehobot i sohipi' nu kaunyo i Baal-Hanan anak i Akbor i Hadad lengkat mae i Pahi (sanggo nu bengkele'nyo i Mehetabeel, anak i Matred ka' makumpu i Mezahab).

⁵¹ Bansa Edom asannyo mae aha tulunan nu bansa Timna, Alya, Yetet,

⁵² Oholibama, Ela, Pihon,

⁵³ Kenas, Teman, Mibzar,

⁵⁴ Magdiel ka' Iram, toto sa'angu' sinanggohan susumo sanggo nu kapala nu tulunan nu bansa nu aha.