JABURU 82 - KITABI HABARI MOPIOHE

Allahu Taa̒ala, Olongia Daa̒

¹ Jaburu lei Asap. Allahu Taa̒ala lotitau̒wa tosidangi ilahi tosologa, lapatao̒ Eeya longohi putuusani-Lio:

² “Diilalo mao̒ pomutoa̒ lou̒ diila juujulu, wau diila mao̒ potiwambao̒ totaa u moleeto.

³ Poduulua mao̒ walao̒ didu otiilo otiyamo wau taa molulupuhu, wohia mao̒ ua̒adili totaa mosikini wau modutolo.

⁴ Lopataalo taa u molulupuhu wau diila olotolo, lopataalo mao̒ timongolio monto uluu̒ lotaa moleeto.

⁵ Timongoli diila motota lolo-loolo, hihuulode wau yilapalo, sababu timongoli, yi uu̒udu lotaa dadaata lowali ambulati.

⁶ Wau̒ motahuda mai deu̒ timongoli ilahi timongoli ngoa̒amilalo mongo walao̒ Allahu Taa̒ala Taa Laba-labaalo molanggato.

⁷ Bo timongoli maamate debo odelo manusia, debo odelo timii̒du taduduulaa̒ lo lipu, timongoli olo maa mate.”

⁸ Podunggaalo mai yaa Allahu Taa̒ala, aambunguolo butoi̒lo mai dunia, sababu ngoa̒amila bangusa yito miliki lo Eeya.