JABURU 3 - KITABI HABARI MOPIOHE

Dua̒ dimodupo

¹ Jaburu lei Dauda, tou̒ tio lolahi lonto olei Absalom, walai̒o.

² Yaa Eeya, mailaba daatalio musu lowatotia, dadaata daa̒ tahi poluhua olo watotia!

³ Woluo dadaata tahi poloi̒yawa deu̒ Allahu Taa̒ala diila mohuto motulungi olo watotia.

⁴ Bo Eeya, yaa Eeya, deu̒yito-yito porisai u moduo̒lai olo watotia. Pilyilohi lo Eeya watotia u loo̒haama, wau Eeya lopou̒daa̒ hilaa lowatotia.

⁵ Watotia longiibode to Eeya; lonto huludu-Lio u mantali wau Eeya lolametai olo watotia.

⁶ Watotia lotibalata wau lotuluhu wolo aamani, wau luli lobongu, sababu Eeya helo lolumude olo watotia.

⁷ Watotia diila yiloohe to hilihu-lihua laawani tahe lomala lonto totoonulalo mantahu.

⁸ Ambunguolo, poa̒ahuwalo mai watotia, yaa Eeya Allahu Taa̒ala lowatotia, ambunguolo hukuu-maniyalo mai polupuhelo ngoa̒amila laawani lowatotia.

⁹ Monto Eeyaalo dungga-dungga mai polo tulungi, yaa Eeya, potidapatolo mobalakati mai umati lo Eeya.