Biblia Todo Logo
Bìoball air-loidhne

- Sanasan -

JABURU 24 - KITABI HABARI MOPIOHE


Olongia Molamahu

1 Jaburu lei Dauda. Miliki lo Eeyaalo huta ngotuangio, dunia wau ngoa̒amila u todelomio.

2 Eeya lopodutu wumbatio toitaato deheto, wau lopo tihulao̒ toitaato taluhee u modelomo.

3 Tatoonu tamowali mobotula mola ode Huludu Eeya, wau tumuota ode delomo Bele lo Eeya?

4 Taa udiila o aibu pikiilangi wau huhutuulio, tadiila motadia u paaluti wau diila molubo balaahala.

5 Tioolo tamaa balakatia wau poa̒ahu mai lo Eeya, wau poi̒laalo diila ototala lo Allahu Taa̒ala.

6 Odi-odieelo mola taa u mai motaalua wolo Allahu Taa̒ala, tamai molubo Allahu Taa̒ala lei Yako.

7 Huo̒ilo motangga-tanggaloolo mao̒ hulubangi panggola, alihu tumuwoto Olongia tamolamahu.

8 Tatoonu Olongia tamolamahu? Tioolo Eeya tamolotolo boli buheli daa̒; Eeya tapolupolu lokawasa, talaito ohaasili todelomo popaatea.

9 Huo̒ilo motangga-tanggalolo mao̒ hulubangi panggola, alihu tumuwoto Olongia tamolamahu.

10 Tatoonu Olongia tamolamahu? Eeya Taa Laba-labaalo kawasa, Eeyaalo Olongia tamolamahu!

Lean sinn:



Sanasan