JABURU 2 - KITABI HABARI MOPIOHE

Olongia tatilulaoto Allahu Taa̒ala

¹ Yilongola babaa-ngusawalo hipohutua tolonggalo wau susuu-kuwaalo bangusa hipo ranjanawa udiila ohuna?

² Mongo olongia lo dunia lobongu pee̒entalo mao̒ wau tahi kawaasawa heloheeluma moluwali to Eeya wau olongia tatilulao-Tio.

³ Tahi kawaasawa boito loloi̒ya, “Dulo boliyonto okokawasa limongolio wau mohama obeebasinto!”

⁴ Lonto tambati huhuloa̒ lo Eeya tosologa Eeya loi̒ii̒ wau helo hentea̒ ranjana limongolio.

⁵ Lapatao̒ timongolio ilanti-Ngio wolo muluka, wau piloo̒ohea wolo mulukaa-Lio.

⁶ Tahudaa-Lio, “To Sion huludu-U̒ u mantali mapiludu-U̒ olongia tatilulaotu-U̒.”

⁷ Uali olongia, “Wau̒ ohilaa mopo malalumu mola wolo u matilantu mai lo Eeya. Tahudaa-Lio olau̒, ‘Yio̒ walau̒u-U̒ talolai̒, todulahee botie Wau̒ mowali Tiyamamu.

⁸ Pohileaalo, yi ngoa̒amila bangusa wuduwo-U̒ mai olemu, wau ngoilanggubu dunia powaliyo-U̒ milikimu.

⁹ Timongolio maboliyomu mao̒ wolo tunggudu wate wau poo̒omu debo odelo ulongo huta.’ ”

¹⁰ Oditolio poo̒tuotilo, wuu mongo olongia, poo̒tuotilo, wuu tahi kawaasawa dunia!

¹¹ Potaa̒lukulo wau pohurumatilo to Eeya wolo tatapu taaa̒ti mopanao̒ palenta lo Eeya,

¹² posujudulo totalu-Lio wolo humuhela, diila bolo Eeya mamo muluka mai wau timongoli pobinasaa-Lio ngoi̒ntaalo mato, sababu omulukaa-Lio wali-walihuhu wolo tumahuo̒lo mola. Potisangilo tutu taa u motiwunela to Eeya!