JABURU 15 - KITABI HABARI MOPIOHE

Taa u paatuti to Eeya

¹ Jaburu lei Dauda. Yaa Eeya, tatoonu tamowali motihangata to Kema lo Eeya wau motibiluloa̒ tohuludu Eeya u mantali.

² Taa u tumutumulo lou̒ diila o aibu wau hemohutu u mopiohu, wau wolo juujulu moloi̒ya u otutu;

³ tadiila mopitana timongotalio, diila hemohutu u moleeto to sahabati, wau diila hemo poo̒leeto tanggulo tiheedio;

⁴ tamo nganggapu dupadupapa taa udiila tilolimo lo Allahu Taa̒ala, bo mohurumati taa udebo taaa̒ti moponao̒ palenta lo Allahu Taa̒ala; tamoe̒ela danti, penu boli luhi

⁵ wau mopo bulotao̒ doi lou̒ diila olente, taa diila mohuto mololimo doi sooloi̒ u mopoluhi taa u diila ototala. Taa u mohutu odito, malaito tantaramu.