JABURU 137 - KITABI HABARI MOPIOHE

Hilimuta tobiihu duduu-tulawaalo Babel

¹ To biihu duduu-tulawaalo Babel ami lotihuloa̒ wau hilumoyonga wonu moe̒ela mola Sion.

² To bubuu-ngowaalo ayu gandarusa tolipu boito ami lopo ntayangao̒ kocapi lami.

³ Tau-tauwalo tahe lolawalo olami lopoa̒hu olami lopolahu mola odeli mongolio. Tau-tauwalo tahe lodeehe olami lopoa̒hu olami lopolahu mola lalaa-huwaalo meengahu, “Polahuwalo mola ode olami lalaa-huwaalo lonto Sion!”

⁴ Tingga mowali tolipu deli ami mopolahu mola ode Eeya?

⁵ Poluliaalo mai wau̒ diilalo mowali mopolahu mola wonu wau̒ molipatao̒ olemu, Yerusalemu!

⁶ Poluliaalo mai wau̒ diilalo mowali mopolahu mola wonu wau̒ molipatao̒ olemu wau diila mopowali olemu ilohilaau̒!

⁷ Yaa Eeya, eelailo mai huhutu taulo Edom tou̒ Yerusalemu piloa̒antulu. Timongolio loloi̒ya, “Lohubuwalo, lohubuwalo demola wuwuu-mbaatio!”

⁸ Wuu Babel, yio̒ mapo binasaalo! Potisanangilo tutu taa u momaalasi olemu ololeeto u hepilo hutumu olami.

⁹ Potisanangilo tutu taa u mohama tau̒ngeemu wau mopomahula ode huludu botu!