JABURU 128 - KITABI HABARI MOPIOHE

Balakati to mongo diilea

¹ Lahu jiara. Potisangilo tutu taa u saale wau tumu-tumulo modudua̒ palenta lo Allahu Taa̒ala.

² Yio̒ mamo lamela monto tilapulo kalajaamu, wau tumumula maa̒muru wau moa̒ahu.

³ Dilemu taabua debo odelo bungo lo angguru u molomiodu todelomo belemu. Mongo walau̒mu debo odelo tumbuo̒ bungo lo jaitun to palito mejamu.

⁴ Odieelo mola Eeya mobalakati mai taa u saale.

⁵ Pohileaala dua̒ monto Sion Eeya mobalakati mai olemu. Pohileaala dua̒ yio̒ moo̒onto omaa̒muru lo Yerusalemu ngohilayao̒ lo maasa lo tumulumu!

⁶ Pohileaala dua̒ humayao̒ umulumu, wau moo̒onto walao̒ wau wombumu! Pohileaala dua̒ umatimu moa̒ahu!