JABURU 114 - KITABI HABARI MOPIOHE

Lahu lo Paska

¹ Tou̒ bangusa lo Isirai̒lu yilumualo lonto Masiri, tou̒ wali lei Yako lololaa mao̒ lipu deli,

² Eeya lopowali mao̒ Yehuda tambati mantali lo Eeya, Isirai̒lu pilopowali madala okokawasa lo Eeya.

³ Deheto Gelaga loo̒onto to Eeya tulusi tilumeteo̒, Dutulaa Yordan lohuheli tilumolohu.

⁴ Huhuu-ideyaalo hilanti-lantia̒ debo odelo batade, huhuu-luduwaalo hitaya-tayanga debo odelo walao̒ himba.

⁵ O wolo, wuu deheto, tilinggula yio̒ tilumeteo̒, wau Dutulaa Yordan lohuheli tilumolohu?

⁶ Wolo sababuulio timongoli yilu-yilumantio̒ wuu huhuu-ideyaalo, wau timongoli tilu-tilumayango wuu huhuu-luduwaalo?

⁷ Wuu dunia, pohumu-heloolo mola totalu lo Eeya, totalu lo Allahu Taa̒ala lei Yako,

⁸ talo lomeelo patihu lowali kulamu lotaluhu, wau hui̒dee botu lowali butu lotaluhu.