JABURU 113 - KITABI HABARI MOPIOHE

Poloi̒laalo momuji ode opopiohu lo Eeya

¹ Pujiaalo mola Eeya! Wuu mongo wato lo Eeya, Pujiaalo mola tanggulo Eeya!

² Tanggulo Eeya mapomasaa-huruwolo, botia wau mololaalaaita.

³ Monto tiimuru demola otolopa tanggulo Eeya musi pujiolo.

⁴ Eeya okawasa to ngoilanggubu bangusa, odudaa̒ lo Eeya mongilaboto hulungo.

⁵ Tatoonu tadebo odelo Eeya Allahu Taa̒alanto? Eeya totambati huhuloa̒ li olongia ulailaio̒.

⁶ Bo Eeya lotinggou lo batanga u lomilohe hulungo wau huta.

⁷ Taa mosikini bilintao̒ Eeya lonto peaahuo̒, wau taa modutolo lonto wahu.

⁸ Timongolio pilopo huloo̒ lo Eeya pee̒-pee̒enta wolo tahi kawaasawa, pee̒-pee̒enta wolo tahi bangusaawa lonto umati lo Eeya.

⁹ Eeya longohi mai tau̒ kekeei̒ ode dile tahunusa, lopowali olio tiilo tasanangi tutu wau huru-hurumati tobelelio. Pujiaalo mola Eeya!