JABURU 110 - KITABI HABARI MOPIOHE

Eeya wau olongia tatilulao̒-Tio

¹ Jaburu lei Dauda. Eeya lotahuda odeli tuani laatia, “Potihuloo̒lo mola to ambahu olowala-U̒, tunggula mumuu-suumu potaa̒a-lukuwo-U̒ to olemu.”

² Monto Sion Eeya mamo poluasi yilaidiaamu; potikawasalo to mumuu-suumu!

³ To dulahu yio̒ meidungga wolo kawasa, to huludu umantali, ulipumu momaju wolo iloheela lohilao. Debo odelo wambulo tou̒ dimodupo, mongo bohulotau monao̒ mai ode olemu.

⁴ Wolo tadia Eeya malodanti, Eeya diila tamuli momantangao̒, “Eeyaalo iimamu u ohiheo-hiheolo mao̒, debo odelo tei Melkisedek.”

⁵ Eeya woluo to ambahu olowalamu, wonu Eeya muluka, mongo olongia olaahe lo Eeya.

⁶ Eeya mamo hukuumani mai babaa-ngusawalo, tilinggula mimii-lateyaalo mopupuu-lepelo mao̒. Eeya mamopo binasa tahi kawaasawa to ngoilanggubu dunia.

⁷ Olongia mamongilu monto dutulaa tobiihu dalalo, lapatao̒ piloo̒ lotolo, tio mamoo̒haama.