HOSEA 3 - KITABI HABARI MOPIOHE

Tei Hosea wau dilelio tadiila tatapu wau molotolo hilao

¹ Eeya lotahuda mai odelaatia, “Ponao̒lo mota poli wau tolia̒ngilo daa̒ taabua ngota tao̒hilaa mojina. Tolia̒ngilo daa̒ tio debo odelo Wau̒ olo momonu daa̒ taulo Isirai̒lu penu boli timongolio helo lolaa to Olau̒ wau hemolubo ila-ila wewo boli ohilaa mopodewo kuukisi hungo lo angguru u pilopo hengu wau yilinggila botulio ode balaahala.”

² Yi wau momaayali mai mopulaa limo lopita doi talaa̒ wau ngohetuto limo lopulu lokilo pale u moo̒tapu mai taabua boito.

³ Wau̒ mamoloi̒ya mao̒ olio deu̒ tio musi mohima ola-U̒ tou̒ u mohiheo mola. Ngotilonggadu wakutu boito tio diila mowali motisuntali meaalo mojina, wau wau̒ olo diila tamo himbideo̒ olio.

⁴ Odi-odieelo mola sua̒liilio wolo bangusa lo Isirai̒lu; lohiheo daa̒ timongolio musi tumumula lou̒ diila o olongia meaala tau̒wa, diaaa̒ bake meaala tutuu-guwaalo aulia, diaaa̒ babaa-laahalaalo meaala jijii-matiyaalo u mopoo̒taa mai hitua-tuawua u milakusudu hetuuo̒lo todulahee momooli.

⁵ Bo mamei dungga wakutuulio bangusa lo Isirai̒lu muli mohualinga ode Eeya Allahu Taa̒ala limongolio, wau odeli olongia limongolio monto wali mai lei Dauda. Lapatao̒ timongolio mamoohe wau mohulumati mola to Eeya, wau mololimo babaa-lakati-Lio.