ESRA 2 - KITABI HABARI MOPIOHE

Daputali lotau-tauwalo talo lohualingai lonto polayahu

¹ Dadaata towolota lotau-tauwalo polayahu lololaa mao̒ madala lo Babel tulusi luli lohualinga ode Yerusalemu wau Yehuda, ngota-ngota ode kotalio lohihilao. Timongolio matiluumulo todelomo polayahu to Babel tumulalo mao̒ timongolio hebilintai̒o mola odito li Olongia Nebukadnejar.

² Mongo tau̒wa limongolio yito tei Jerubabel, Yesua, Nehemia, Seraya, Reelaya, Mordekhai, Bilsan, Mispar, Bigwai, Rehum wolei Baana. Uti-utieelo daputali kaumu ngaalaa̒ lo Isirai̒lu, wolo jumulaa tau monto timii̒du kaumu tahe lohualingai lonto polayahu:

^3-20 Kaumu ngaalaa̒ lei Paros – 2.172 Sepaca – 372 Arah – 775 Pahat-Moab (wali mai lei Yesua wolei Yoab) – 2.812 Elam – 1.254 Jatu – 945 Jakai – 760 Bani – 642 Bebai – 623 Ajgad – 1.222 Adonikam – 666 Bigwai – 2.056 Adin – 454 Ater (tai̒lunte olo Hiskia) – 98 Bejai – 323 Yora – 112 Hasum – 223 Gibar – 95

^21-35 Tau-tauwalo talo luuhurulio helo tibiluloa̒ to kokoo-tawaalo u wumbutio mola botie olo lohualingai lonto polayahu: Kota Betlehemu – 123 Netopa – 56 Anatot – 128 Asmawet – 42 Kiryat-Arim, Kefira wau Beerot – 743 Rama wau Gaba – 621 Mikhmas – 122 Betel wau Ai – 223 Nebo – 52 Magbis – 156 Elam uwewo – 1.254 Harim – 320 Lod, Hadid wau Ono – 725 Yerikho – 345 Senaa – 3.630

^36-39 Uti-utieelo daputali kaumu ngaalaa̒ lomongo iimamu tahe lohualingai lonto polayahu: Yedaya (wali mai lei Yesua) – 973 Imer – 1.052 Pasyhur – 1.247 Harim – 1.017

^40-42 Kaumu ngaalaa̒ lei Lewi tahe lohualingai lonto polayahu yito: Yesua wau Kadmiel (wali mai lei Hodawya) – 74 Tahi poolahua to Bele lo Eeya (wali mai lei Asap) – 128 Tamodahawa hulubangi to Bele lo Eeya (wali mai lei Salum, Ater, Talmon, Akuba, Hatita wau Sobai) – 139

^43-54 Uti-utieelo daputali kaumu ngaalaa̒ lotahi pokalajawa to Bele lo Eeya tahe lohualingai lonto polayahu: Jiha, Hasupa, Tabaot, Kerosi, Siaha, Padon, Lebana, Hagaba, Akuba, Hagab, Samlai, Hanan, Gidel, Gahar, Reaya, Rejin, Nekoda, Gajam, Uja, Paseah, Besai, Asna, Meunim, Nepusim, Bakbuk, Hakupa, Harhur, Bajlut, Mehida, Harsa, Barkos, Sisera, Temah, Nejiah wau Hatipa.

^55-57 Kaumu ngaalaa̒ lomongo wato lei Salomo tahe lohualingai lonto polayahu yito: Sotai, Soperet, Peruda, Yaala, Darkon, Gidel, Sepaca, Hatil, Pokheret-Hajebaim wau Ami.

⁵⁸ Kaumu ngaalaa̒ lotahi pokalajawa to Bele lo Eeya wau mongo wato lei Salomo tahe lohualingai lonto polayahu ngojumula tolo hetuto tio lopulaa duulota.

^59-60 Tau-tauwalo tahe lomonggatai lonto kokoo-tawaalo Tel-Melah, Tel Harsa, Kerub, Adan, wau Imer, ngojumula wolomo hetuto limo lopulaa duulota. Timongolio leituoto kaumu ngaalaa̒ lei Delaya, Tobia wau Nekoda, bo timongolio diila loo̒ pobukuti mao̒ deu̒ timongolio yito wali mai bangusa lo Isirai̒lu.

^61-62 Dengolo mola kaumu ngaalaa̒ li iimamu olo diila loo̒dungga daputali tomimbihu loluuhuru limongolio, deu̒yito-yito kaumu ngaalaa̒ lei Hebaya, Hakos, wau Barjilai. (Loluuhuru kaumu Barjilai lonika wolo ngotaalio bua wali mai lokaumu Barjilai to Gilead, wau lapatao̒ tio lomake mao̒ tanggulo ngaalaa̒ lo moluhengio.) Sababu timongolio diila loo̒ pobukuti mao̒ deu̒ tatoonu loluuhuru limongolio, yi timongolio diila tilolimoolio odelo iimamu.

⁶³ Gubolonulu madala lo Yehuda helodini olimongolio molamela ua̒alo u podewolo ode Eeya, dilumutu woluo ngotaalio li iimamu tamoo̒ hile potuhata wolo momake Urim wau Tumim.

^64-67 Tau-tauwalo polayahu tahe lohualingai ode lipulio ngoa̒amilalo ngojumula wopato pulaa dulo lihu tolo hetuto wolomo pulu lota. Wewolio mao̒ leeto helo hualingai olo tamomantua olimongolio ngojumula pitu lolihu tolo hetuto tolo pulaa pitu lota wau tamoolahua ngojumula dulo hetuto lota. Timongolio olo helodelo bibii-natangiyaalo limongolio, deu̒yito-yito: Wadala – 736 Bagal – 245 Unta – 435 Kolodai – 6.720

⁶⁸ Tou̒ tau-tauwalo polayahu leidungga mai ode Bele lo Eeya to Yerusalemu, dengolo lota tau̒wa lokaumu helongohi mao̒ dewo iloheela lohilao u muli pomongulalo Bele lo Eeya.

⁶⁹ Tiongolio helongohi mao̒ dembulo lodudua̒ u omamboa limongolio ngota-ngota wau tilapulio yito limo lohetuto kilo hulawa, dulo lihu walu lohetuto kilo talaa̒, ngohetuto pata jumba ode mongo iimamu.

⁷⁰ Mongo iimamu, tau-tauwalo Lewi wau ngotayadu ulipu helo titatapu to Yerusalemu wau kokoo-tawaalo totililio. Tahi poolahua, tahi podahawa hulubangi Bele lo Eeya wau tahi pokalajawa Bele lo Eeya wau tau-tauwalo Isirai̒lu lebelio helo titatapu to kokoo-tawaalo tambati biluloa̒ loluuhuru limongolio muloololio mai.