AYUBA 40 - KITABI HABARI MOPIOHE1-2 Wuu Ayuba, he tilehengimu Wau̒, Allahu Taa̒ala Taa Laba-labaalo kawasa; mohuto yio̒ olaahe meaalo mohuto yio̒ mobuutola?” Ayuba 3-4 Yi tametao̒ lei Ayuba to Eeya, “Watotia mobisala mai debo odelo taa mohulodu, yaa Eeya. Ambunguolo wolo u mowali polametai lowatotia? Diduu̒ sama-samaata u mowali loi̒ya lowatotia. 5 Mailaba daatalio u heloi̒ya lo watotia.” 6 Lapatao̒, lonto delomo dutalo Eeya luli lotahuda mai odelei Ayuba. Eeya 7 Lapatao̒ Eeya helo tahuda mai odelei Ayuba, “Taluilo mai Wau̒ odelo talolai̒, wau tametilo mai totoonulalo yiyintu-U̒ botie. 8 Wolo mapaahumu oa̒adili-U̒, wau mopoo̒tutu batangamu wolo mopotala ola-U̒? 9 Wolo yio̒ molotolo debo odelo Wau̒? Tingga mowali sualamu moti-bulonggodu debo odelo suala-U̒? 10 Dadaiyaalo batangamu wolo ololamahu wau odudaa̒, wau pomakealo ololamahu wau ololuuhuru. 11 Bilohilo timongolio tabatingga hilaalio; pomukaa̒alo yingomu wau podupapaa-waalo timongolio. 12 Ooo̒, bilohilo taa u batingga, potaa̒lukua tio! potoyopuwalo taa moleeto to tambatilio. 13 Lobungaalo timongolio ngoa̒amila todelomo peaahuo̒; ulungaalo timongolio todelomo dunia lotaa mate. 14 Yi yio̒ mapujio-U̒ sababu yio̒ loo̒haama wolo olootolumu lohihilao. 15 Poo̒tuotilo Behemot, binatangi rakisasa; debo odelo yio̒, tio olo pilopowali-U̒ mai. Huhuu-oyotowalo lowali ua̒alolio, debo odelo sapi wau sapi biasa. 16 Bo imatowalo lotolo todelomo wawai̒o wau olootolo to lilii-ntidulio! 17 Tio lopotihulo patahio debo odelo bungo lo ayu arasi, lilii-ntiduwalo bungolopalio molotolo wau motoheto. 18 Tutuulaalio motoheto debo odelo tombaha, oa̒atio motoheto debo odelo babaa-tangowalo waja. 19 To wolota lo totoonulalo mahaluku-U̒ tiolo tamoo̒ linggolabe daa̒; bo lo Talopowali mai olio wambao̒ tamowali mopotaa̒luku olio! 20 To huhuu-luduwaalo tambati lo binatangi molinggelo hipoitohe lou̒ hiweengahe, malobutu mai huo̒yoto u lowali ua̒alolio. 21 Tio lotibalata to walungo lo pilomulo aa̒a-yuwaalo kekeei wau moopa oduhi, towolota lohepu to tataa-mbowaalo tio helo tituuo̒. 22 Pilomulo aa̒a-yuwaalo kekeei wau moopa oduhi lolilunga olio wolo wowoo-liluulio. Bungo lo ayu gandarusa tobiihu dutulaa lolilunga olio. 23 Tio diila hilumuhela penu boli Dutulaa Yordan moo̒huu̒ daa̒ tolohio, tio debo duo̒duo̒oto penu boli taluhee molemba bayalio. 24 Tatoonu tabuheli mopo pitoa̒a matolio, tulusi moheu̒upa olio wolo mohentobe tunggilio u hayahayao̒? |
LAI 2006
Indonesian Bible Society