Yotuwa 15 - Ala Wone Peenok Peebi Mbanak

Aap Yekura mendek inanggween kuli mbanak wone

¹ Anebunu Yekura paga wiganak ndarak ndegek lombok yugum paga wakkaanuk, inanggween tumburiragagerak kuli nogo ti, agi nen ogu karume Tin o ame pa'nggwe lombok nggween Erom kuli panggonak wonagagerak.

² It Yekura inanggween o ame pa'nggwe kuli ti, niyo nggwok yenggenak endage Mayu Ogop irip o ame pa'nggwe lombok panggombunuk,

³ nok, puut aanenggen endage Nggitamuru agigan o omarip paga pa'nggwe kagak, nok, karume Tin nen yomonogo o Kareti-Mbareneya agigan o omarip paga pa'nggwe nikkagak nugwa, o Ketoron nen o Arat lagi nanuk, yomoninuk, o Karaka nen nok,

⁴ o Atomon paga ari nanuk, niyo mbuuluk endage Metit nogo paga pi nanuk, niyo ndirok aru niyo kole yenggenak Laut Tengah kuli ti, it Yekura anebunu mendek inanggween o ame pa'nggwe kuli nogo ti aret o.

⁵ Inanggween oonegen wundi wage menggim pa'nggwe kuli nogo ti, niyo nggwok yenggenak Mayu Ogop ambet paga mugurok agi niyo Yoraran kuni wage menggim aret wonagagerak. Inanggween o omarip paga pa'nggwe kuli nogo ti, niyo Yoraran kuni wage niyo yenggenak menggim panggombunuk,

⁶ o Mbet-Kogala ari laganuk, nok, o Mbet-Araba ogugan o ame pa'nggwe kagak, agi aap Uruben aput Mbokan Ayugum lunik nogome ari nanuk,

⁷ Akot Kobappaga nen agi Ndebit laganuk, ena yomonogo o omarip paga pa'nggwe mugurok o Nggilagan ari nagagerak. O Nggilagan ti, o kobak nabunogo pereegim o ame pa'nggwe puut Arumim wunggagak aret wonagagerak me, ti paga nen nugwa, niyo eneeri wungge menggim o En-Temet nen nok, o En-Orogen ari nanuk,

⁸ agi Mben-Kinom Kobappaga mugurok it aakumi Yebut menggam o kota Yerutalem puut elan me o ame pa'nggwe ari nanuk, time nen Erepayim Kobappaga o omarip paga pa'nggwe irip me Kinom Kobappaga oonegen kilu yi nage menggim pa'nggwe puut kirin nogo paga nen, nok,

⁹ niyo eneeri wundit wage menggim endage Me-Nepotowa ari nanuk, puut nggelok-nggobok Eporon kota-kota nen nugwa, o Mbaala ti, o Kiriyat-Yeyarim aret me, time wambi nanuk,

¹⁰ ti'nuk, yomoninuk, o Mbaala nen nok, oonegen kilu yi nage menggim pa'nggwe mugurok, puut nggelok-nggobo'me o Teyit ari nanuk, o omarip paga pa'nggwe puut Yeyarim ti, Ketalon aret me, puut ti elan me nugwa, ogu o Mbet-Temet nen nok, o Timana nen

¹¹ puut Ekoron o omarip paga pa'nggwe elan me nugwa nanuk, ena yomoninuk, o Tikoron ari nanuk, nok, puut Mbaala nen o Yabenen ari nanuk, irip niyo kole yenggenak laut kuli aret wonagagerak.

¹² Inanggween oonegen kilu yi nage menggim pa'nggwe kuli mbanak ti, niyo kole yenggenak Laut Tengah ambet paga aret o. Anebunu Yekura mendek ndarak ndegek lombok inanggween kuli ti aret o.

Aap Kalep nen o Keboron ndinggolagagerak wone

¹³ Aliku ALA nen wone lengganogo yoreegerak ndak-ndak, at Yotuwa nen aap Yepune aput Kalep anebunu Yekura mendek inanggween ando mogonogo wogoragagerak me, mogonogo wogoreegerak nogo ti, o Kiriyat-Araba endage ambi ti, Keboron aret. Aap Enak mendek inogoba endage ti, Araba aret o.

¹⁴ Nogo wogoge mbareegi, aap Enak paga wiganak mendek ineebe kenagan aap Tetayi inom, Akiman inom, Talamayi inom, o Keboron wonogwe nogo, at Kalep nen mugogo wumbiyareegerak.

¹⁵ Wumbiinok, it aakumi o Ndebit aa'nduk endage Kiriyat-Tepet yogo nogogwaarak nogome wonogwe nogo, inom wim eeri naakit nduk, nage logonet,

¹⁶ at Kalep nen, “Aap ta nen it Kiriyat-Tepet mendek inoorogo piinok, o nogo tebenogo pege kenok ti, an napuluk kolaga Akata nogo at akwe kolaawak nduk, wogorigin o.”

¹⁷ Ari mbareegi, at Kalep nogo awuluk Kenat aput endage O'niyen nen o kota ti, tebenogo pege mbareegi, at Kalep nen at apuluk kolaga Akata nogo, akwe kolaawak nduk, wogoreegerak.

¹⁸ Wogoge mbareegi, ogonggelo ka wagagerak nogo eyom paga kwe nogo nen ogonggelo yoge logonet, “Nogoba nen nggween mbanak ambi wo'niruwak nduk, yori nawi o,” yinuk, nogo nogogwaarik, kwe nogo keledai amborowak paga nen nggween paga wambi wage mbareegi, at ogoba Kalep nen at yoge logonet, “Kat nonggop eeppagarak, mba'nuk wagan o?”

¹⁹ Yoge mbareegi, at kolaga nen, “Nogoba o. Kat o karu nggwok o ame unggwi nage menggim pa'nggwe nggween amburu lek mbuk mendek wo'negendak tit kwe, an kapuluk nabuwa mbake logonet, niyo eneerime kero, ambi inom wo'niru o.” Yoge mbareegi, at Kalep nen anggween mbanak niyo eneeri aginggwe wungge me inom, ogunggwe wangge me inom, imbirak wogoreegerak.

Anebunu Yekura mendek kota-kota wogoragagerak wone

²⁰ Anebunu Yekura mendek ndarak ndegek yate kwak kota-kota wogoragagerak nogo yi aret.

²¹ O karu nggwok o ame pa'nggwe irip me lombok it aakumi Erom mendek inanggween kuli pugu paga o kota-kota anebunu Yekura mendek wogoragagerak endage ti, Kabeten, Eret, Yagut,

²² Kina, Ndimona, Arara,

²³ Kereti, Katot, Yitanan,

²⁴ Tip, Telem, Mbeyalot,

²⁵ Katot-Karata, Keriyot-Ketoron endage ambi Katot, nogo aret wogorage,

²⁶ Amam, Tema, Molara,

²⁷ Katat-Nggara, Ketomon, Mbet-Pelet,

²⁸ Katat-Tuwan, Mberetiyeba enaagan-ambokan yaga'lelo mbuulogwe inom wogorage,

²⁹ Mbala, Iyim, Etem,

³⁰ Elotolat, Ketin, Korama,

³¹ Tikalak, Maramana, Tanatana,

³² Lebawot, Tilikim, Ayin, Irimon nogo aret wogorage, eereegerak me, lambuk togon kota 29 wogorage logonet, kota-kota ti, enaagan-ambokan yaga'lelo mbuulogwe inom aret wogoragagerak.

³³ Oonegen kilu yi nage menggim pa'nggwe puut-puut paga kota-kota wogoragagerak ti, Etitawon, Tora, Atana,

³⁴ Tanowa, En-Ngganim, Tapuwa, Enam,

³⁵ Yarumut, Arulam, Toko, Ateka,

³⁶ Taarayim, Aritayim, Nggerera ambi endage Nggererotayim nogo, wogoragagerak me, lambuk togon kota 14 wogorage logonet, enaagan-ambokan yaga'lelo mbuulogwe inom wogorage,

³⁷ Tenan, Karata, Migaran-Nggat,

³⁸ Ndileyan, Mitapa, Yoketen,

³⁹ Lakit, Mbotakat, Egolon,

⁴⁰ Kabon, Lakamat, Kitilit,

⁴¹ Nggererot, Mbet-Ndagon, Naama, Makera aret me, lambuk togon kota 16 wogorage logonet, enaagan-ambokan yaga'lelo mbuulogwe inom wogorage,

⁴² Libana, Etet, Atan,

⁴³ Yipata, Atana, Netip,

⁴⁴ Kekila, Akitip, Mareta ti aret me, lambuk togon kota 9 wogorage logonet, enaagan-ambokan yaga'lelo mbuulogwe inom wogorage,

⁴⁵ kota Ekoron enaagan-ambokan yaga'lelo nggwok inom, mbuulogwe inom, wogorage,

⁴⁶ kota Ekoron panggombunuk, nugwa oonegen kilu yi nage menggim pa'nggwe o Atorot koorok kota-kota inom, enaagan-ambokan yaga'lelo-yaga'lelo inom, wogorage,

⁴⁷ kota Atorot wogorage logonet, enaagan-ambokan kota-kota inom, yaga'lelo-yaga'lelo inom, nogo wogorage, kota Nggata wogorage logonet, enaagan-ambokan yaga'lelo nggwok inom, mbuulogwe inom wogorage, eerit niyo mbuuluk endage Metit ambet paga kota-kota wonage nogo inom, niyo nggwok yenggenak Laut Tengah ambet paga kota-kota wonage inom, nogo kunduk wogorage, eereegerak ti aret.

⁴⁸ Puut nggelok-nggobok me kota-kota wogoragagerak endage ti, Tamit, Yatit, Toko,

⁴⁹ Ndana, Kiriyat-Tana endage ambi Ndebit aret me, wogorage,

⁵⁰ Anap, Etemo, Anim,

⁵¹ Nggotiyen, Kolon, Nggilo, aret me, lambuk togon kota 11 wogorage logonet, enaagan-ambokan yaga'lelo mbuulogwe inom wogorage,

⁵² kota Arap, Nduma, Etan,

⁵³ Yanum, Mbet-Tapuwa, Apeka,

⁵⁴ Kumata, Kiriyat-Araba ti, kota Keboron aret me, wogorage, kota Tiyot wogorage, eereegerak me, lambuk togon kota 9 wogorage logonet, enaagan-ambokan yaga'lelo mbuulogwe inom wogorage,

⁵⁵ kota Mawon, Karemen, Tip, Yuta,

⁵⁶ Yiteren, Yokereyam, Tanowa,

⁵⁷ Kayin, Nggibeyat, Timana, aret me, lambuk togon kota 10 wogorage logonet, enaagan-ambokan yaga'lelo mbuulogwe inom wogorage,

⁵⁸ kota Kalukun, Mbet-Tut, Nggerot,

⁵⁹ Maarat, Mbet-Anot, Eletekon, aret me, lambuk togon kota 6 wogorage logonet, enaagan-ambokan yaga'lelo mbuulogwe inom wogorage,

⁶⁰ kota Kiriyat-Mba'an ti, endage ambi Kiriyat-Yeyarim nogo inom, Araba inom, imbirak wogorage logonet, enaagan-ambokan yaga'lelo mbuulogwe inom wogorage, eereegerak.

⁶¹ Kota-kota o karume wonage wogoragagerak endage ti, Mbet-Araba, Mirin, Tekaka,

⁶² Nibatan, kota endage Kota Mayu, kota En-Nggeri, aret me, lambuk togon kota 6 wogorage logonet, enaagan-ambokan yaga'lelo mbuulogwe inom wogoragagerak aret.

⁶³ Togop aret kwe, it aakumi Yebut mendek inawi o kota Yerutalem wonogogwaarak nogo ti, it Yekura mendek nen mugogo wumbiyoorak meek me, it Yekura mendek inom o yogondak time wonogwe aret o.