Wakkagagerak 5 - Ala Wone Peenok Peebi Mbanak

Aram ombowologwe wigannogogwaarak wone

¹ Aap Aram ombowologwe wiganak inendage liiru mbanak yi o. Ala nen aakumi wakkage logonet, at etenggen pogom aret ogobakkigirinabeegerak.

² Aap inom, kwe inom, ogobakkigirinabeegerak. Ogobakkigirinake nagagerik, ale'nggen inoba piinok, inendage, Aakumi, aret tooninabeegerak.

³ Ti'nuk, at Aram nogo tahun seratus tiga puluh eeke nagagerik, apuluk ambi at enete-obaabut ndak-ndak aret ndareegerak. Ndake nagagerik, endage, Tet, aret tooneegerak.

⁴ Apuluk Tet aret ndake nagagerik, tahun delapan ratus ari nage kagak, apurilogwe ando aap inom, kumi inom, ndaganabeegerak me,

⁵ at Ala nen Aram nogo ogobakkigireegerak wonage kagak lambuk togon tahun sembilan ratus tiga puluh eeke nagagerik, aret kambeegerak.

⁶ Ndi, at Tet nogo tahun seratus lima eeke nagagerik, at aput endage Enot aret ndareegerak.

⁷ Ndake nagagerik, tahun delapan ratus tujuh ari nage kagak, apurilogwe ando aap inom, kumi inom, ndaganabeegerak me,

⁸ at Tet nogo ndarak kagak lambuk togon tahun sembilan ratus dua belas eeke nagagerik, aret kambeegerak.

⁹ Ndi, at Enot nogo tahun 90 eeke nagagerik, at aput endage Kenan aret ndareegerak.

¹⁰ Ndake nagagerik, tahun delapan ratus lima belas ari nage kagak, apurilogwe ando aap inom, kumi inom, ndaganabeegerak me,

¹¹ at Enot nogo ndarak kagak lambuk togon tahun sembilan ratus lima eeke nagagerik, aret kambeegerak.

¹² Ndi, at Kenan nogo tahun 70 eeke nagagerik, at aput endage Makalalen aret ndareegerak.

¹³ Ndake nagagerik, tahun delapan ratus empat puluh ari nage kagak, apurilogwe ando aap inom, kumi inom, ndaganabeegerak me,

¹⁴ at Kenan nogo ndarak kagak lambuk togon tahun sembilan ratus sepuluh eeke nagagerik, aret kambeegerak.

¹⁵ Ndi, at Makalalen nogo tahun 65 eeke nagagerik, at aput endage Yaret aret ndareegerak.

¹⁶ Ndake nagagerik, tahun delapan ratus tiga puluh ari nage kagak, apurilogwe ando aap inom, kumi inom, ndaganabeegerak me,

¹⁷ at Makalalen nogo ndarak kagak lambuk togon tahun delapan ratus sembilan puluh lima eeke nagagerik, aret kambeegerak.

¹⁸ Ndi, at Yaret nogo tahun seratus enam puluh dua eeke nagagerik, at aput endage Enok aret ndareegerak.

¹⁹ Ndake nagagerik, tahun delapan ratus ari nage kagak, apurilogwe ando aap inom, kumi inom, ndaganabeegerak me,

²⁰ at Yaret nogo ndarak kagak lambuk togon tahun sembilan ratus enam puluh dua eeke nagagerik, aret kambeegerak.

²¹ Ndi, at Enok nogo tahun 65 eeke nagagerik, at aput endage Metutala aret ndareegerak.

²² Ndake nagagerik, Ala imbirak mondok kunik logonet, tahun tiga ratus ari nage kagak, apurilogwe ando aap inom, kumi inom, ndaganabeegerak me,

²³ at Enok nogo ndarak kagak lambuk togon tahun tiga ratus enam puluh lima eeke nagagerik,

²⁴ Ala imbirak mondok kunik logonet, eerit nage mbareegi, Ala nen eenik kagak wonok laganeegerak me, eebe lek aret kogogwaarak.

²⁵ Ndi, aap Metutala nogo tahun seratus delapan puluh tujuh eeke nagagerik, aput endage Lamek aret ndareegerak.

²⁶ Ndake nagagerik, tahun tujuh ratus delapan puluh dua ari nage kagak, apurilogwe ando aap inom, kumi inom, ndaganabeegerak me,

²⁷ at Metutala nogo ndarak kagak lambuk togon tahun sembilan ratus enam puluh sembilan eeke nagagerik, aret kambeegerak.

²⁸ Ndi, at Lamek nogo tahun seratus delapan puluh dua eeke nagagerik, at aput ambi ndareegerak.

²⁹ Ndake nagagerik, “At Aliku ALA nen nggween pulunogo pereegerak nogo paga yabu eerit nogo logonet, andi-pandi ee'ninake nogo yeenggwa nirage logowak nduk, nda'nagaarak me, endage Nu aret o,” yinuk, tooneegerak.

³⁰ Ndi, aput Nu nogo ndake nagagerik, tahun lima ratus sembilan puluh lima ari nage kagak, apurilogwe ando aap inom, kumi inom, ndaganabeegerak me,

³¹ at Lamek nogo ndarak kagak lambuk togon tahun tujuh ratus tujuh puluh tujuh eeke nagagerik, aret kambeegerak.

³² Ndi, Nu nogo tahun lima ratus eeke nagagerik, apuri Tem inom, Kam inom, Yapet inom, aret ndaganabeegerak.