Nekemiya 11 - Ala Wone Peenok Peebi Mbanak

It Yerutalem logorak kooneegwaarak wone

¹ It aakumi inarum menggaarak inoweewi o Yerutalem wonogogwaarak. Ndi, it aakumi ando alik nogo ti, ineebe 10 wonage kenok, 9 inawi kota lombok wonogwe iigak, ambit nggigingge, 10 wonage kenok, 9 inawi kota lombok wonogwe iigak, ambit nggigingge, eerogo o kota abu leenak Yerutalem nogome inom logowak nduk, iri'ngga mbanogo wakkagak leeninabeegwaarak.

² Ndi, it aap iniki nen, “Nit o Yerutalem logorak op aret o,” yinuk, mbareegwaarak nogo aakumi nen wogoppiyareegwaarak.

^3-4 It aakumi Iterali we ugun mendek inom, aap Ala unde inom, aap Lewi mendek inom, Ala awi wurik me yabu eeko menggaarak inom, at Talomo ayeloman mini paga wiganak mendek inom, o Yekura it inanggween paga inawi kota-kota lombok wonogwe iigak, it inanebunu Yekura mendek inom, inanebunu Mbeniyamin mendek inom, it aakumi inarum menggaarak inoweewi o Yerutalem inom wonogogwaarak inendage yi o. At Yekura anebunu mendek ti, Aap Peret paga wiganak Makalalen nen Tepata ndake, Tepata nen Amariya ndake, Amariya nen Takariya ndake, Takariya nen Utiya ndake, Ndi, Utiya nen Ataya ndake, eereegwaarak me, aap Ataya inom,

⁵ Aap Tiyela paga wiganak Takariya nen Yoyarip ndake, Yoyarip nen Araya ndake, Araya nen Kataya ndake, Kataya nen Kolokote ndake, Kolokote nen Mbaruk ndake, ndi, Mbaruk nen Maateya ndake, eereegwaarak me, at Maateya inom, nogo ti aret.

⁶ At Peret paga wiganak aap wakaa'ngget lombok o Yerutalem wonogogwaarak nogo ineebe lambunik empat ratus enam puluh delapan aret.

⁷ At Mbeniyamin anebunu mendek ti, Yetaya nen Itiyen ndake, Itiyen nen Maateya ndake, Maateya nen Kolaya ndake, Kolaya nen Peraya ndake, Peraya nen Yowet ndake, Yowet nen Metulam ndake, ndi, Metulam nen Talu ndake, eereegwaarak me, aap Talu

⁸ oreewi Nggabayi Talayi imbirak inom lambunik ineebe sembilan ratus dua puluh delapan inom,

⁹ it inarum wonagagerak at Tikiri aput Yowen inom, Ndi, at Katenuwa aput Yekura nogo Yowen abu'me logonet, o kota nggwok unde wonagagerak inom, nogo ti aret.

¹⁰ It aap Ala unde ti, At Yoyarip aput Yeraya Yakin imbirak inom,

¹¹ At Akitup nen Merayot ndake, Merayot nen Tarok ndake, Tarok nen Metulam ndake, Metulam nen Kilikiya ndake, Kilikiya nen aap Ala awi wurik me eeko menggaarak inarum wonagagerak Teraya nogo ndake, eereegwaarak me, aap Teraya inom,

¹² it inoreewi Ala awi wurik me inom eeko nogogwaarak inom, ineebe lambunik delapan ratus dua puluh dua aret. At Malikiya nen Patikut ndake, Patikut nen Takariya ndake, Takariya nen Amiti ndake, Amiti nen Pelaliya ndake, Pelaliya nen Yerokam ndake, Yerokam nen Araya ndake, eereegwaarak me, at Araya inom,

¹³ at oreewi ndarak ndegek inoweewi inom, ineebe lambunik dua ratus empat puluh dua aret. At Imet nen Metilemot ndake, Metilemot nen Akatayi ndake, Akatayi nen Ataren ndake, Ataren nen Amatayi ndake, eereegwaarak me, at Ataren inom,

¹⁴ oreewi wim nambuka wakaa'ngget lombok inom, ineebe lambunik seratus dua puluh delapan aret. Ndi, it inarum wonagagerak nogo ti, Nggerolim aput Tabiriyen aret.

¹⁵ It aap Lewi mendek ti, Mbuni nen Katabiya ndake, Katabiya nen Atirikam ndake, Atirikam nen Katup ndake, Katup nen Temaya ndake, eereegwaarak me, at Temaya inom,

¹⁶ it aap Tabetayi Yotabat imbirak aap Lewi inoweewi aret me, it nen aap Ala awi wurik endekenggwe yabu eeko menggaarak inarum wonogogwaarak inom,

¹⁷ at Atap aput Tabiri ombooluk Mika aput Mataniya Ala, “Wa!” yogo logonet tamban eeriyak puninaka nogo inom, at oreewi inabu'me menggerak Mba'mbukiya inom, at Yerutun aput Nggalan ombooluk Tamuwa aput Abara nogo inom,

¹⁸ it aap Lewi mendek o kota abu alik leenak menggim wonogogwaarak nogo ti, ineebe lambunik dua ratus delapan puluh empat aret.

¹⁹ Tu unggwogo menggam arum wonogogwaarak nogo ti, Aap Akup Talomon imbirak inoreewi inom tu unggwogo menggam arum wonogogwaarak ineebe lambunik seratus tujuh puluh dua aret.

²⁰ It aakumi Iterali mendek inom, aap Ala unde inom, aap Lewi mendek inom, ineebe nggwok aago nogo abok aret o Yekura yi kota ndi kota nogome inanggween ineyate negen inalitak lombok unde eeppatinuk wonogogwaarak ti aret.

²¹ It Ala awi wurik me yabu eeko nogogwaarak nogo, o Open time wonogwe iigak, at Tika Nggitipa imbirak nen inarum wonogogwaarak.

²² At Ala awi wurik me tamban eeko logonet, ndawi tiyangga at Atap paga wiganak mendek ambi Mika nen Mataniya ndake, Mataniya nen Katabiya ndake, Katabiya nen Mbani ndake, Mbani nen Uti ndake, eereegwaarak me, at Uti nogo ti, it aap Lewi mendek o Yerutalem wonogwe inarum waka inowe aret wonagagerak.

²³ Ndi, it ndawi tiyangga nogo ti, “Ndi eyom paga ndawi tiyaniyak,” aap endagembogut nen yorage kenok, tiyanggo nogogwaarak.

²⁴ At Yekura aput Tera apuri wiganak mendek Metetaben aput Petaya nogo, it aakumi abok aret inake kooninake logowak nduk, aap endagembogut nen mippereegerak.

²⁵ It inawi kota-kota ineyabu eeko menggam nogo ti, it Yekura mendek ando o Kiriyat-Araba enaagan-ambokan yaga'lelo lombok inom, o kota Ndibon enaagan-ambokan yaga'lelo lombok inom, o kota Yekabeten enaagan-ambokan yaga'lelo lombok inom,

²⁶ o Yetuwa inom, Molara inom, Mbet-Pelet inom,

²⁷ Katat-Tuwan inom, Mberetiyeba enaagan-ambokan yaga'lelo lombok inom,

²⁸ o Tikalak inom, Mekona enaagan-ambokan yaga'lelo lombok inom,

²⁹ o En-Irimon inom, Tora inom, Yarumut inom,

³⁰ Tanowa inom, Arulam inom, kota-kota ti enaagan-ambokan yaga'lelo lombok inom, Lakit inom, o Lakit mendek ineyabu eeko menggam inom, o Ateka enaagan-ambokan yaga'lelo lombok inom, it inawi o Mberetiyeba nen nok, niyo Kinom kobappaga kuli aret wonogogwaarak.

³¹ Ndi, it Mbeniyamin mendek paga wiganak o Nggeba wonogogwaarak nogo ti, o Mikamat inom, Aya inom, Mbeten enaagan-ambokan yaga'lelo lombok inom,

³² o Anatot inom, Nop inom, Ananiya inom,

³³ o Katot inom, Arama inom, Nggitayim inom,

³⁴ o Karit inom, Teboyim inom, Nebalat inom,

³⁵ o Lot inom, Ono inom, o endage Kobappaga o Wuka Menggam time inom, wonogogwaarak.

³⁶ Ndi, it aap Lewi ineebe mande negen aago aa'nduk o Yekura wonogogwaarak nogo it Mbeniyamin mendek inom lambunna'nuk, wonogogwaarak.