Ndawi 150 - Ala Wone Peenok Peebi Mbanak

Aliku ALA tiyappogo logorak wone

¹ At Aliku ALA tiyappogo logowok o. Ala alik leenak menggim wonage me tiyappugwi, O mbogut eraanu at omaawi eerit nage menggim wonage me tiyappugwi,

² At omaawi paga eerubok eerit nage menggerak me, tiyappugwi, At abu nggwok endage tiyanak lombok me, tiyappugwi, Eeko logonip o.

³ Oone nggwok eeka trompet nogo oone pu eeko logonet, at tiyappugwi, Nggitat nggwok inom, mbuuluk inom, eeko logonet, at tiyappugwi,

⁴ Oone lobale eekwi, kwirabik-kwirabok yogwe, Nggitat inom, nggawiwak inom, Eeko logonet, at endage tiyappugwi,

⁵ Togolowak tabak oone eeko logonet, at tiyappugwi, Togolowak tabak pu ndale eeko logonet, at tiyappugwi, Eeko logonip o.

⁶ Yi mendek ndi mendek inambe aagi warak abok aret Aliku ALA tiyappogo logowak o. At Aliku ALA tiyappogo logowok o. 407