Ndawi 131 - Ala Wone Peenok Peebi Mbanak

Ndawut iniki tebeppateegerak wone Ndawut nen ndawi ambi yi aret pereegerak. Ndawi warit lagi nogogwaarak.

¹ Kaliku ALA wae. An niniki wogoppake, Nenegen tebenak lek tiyanak lombok nege, Yi wone ndi wone nggwok mendek an koonit nage, Yi eekak ndi eekak iya mendek eeriyak mbake, Eekeelik o.

² Ata, elege ambi elak mbanak agalo imbirak ugun wonage menggi kwak, An niniki komo yilak mbanak aret wonage, An niniki ti, elege ambi elak mbanak me Ugun menggi kwak wonage, Eeke agarik o.

³ Kit Iterali mendek yi wae. O yogondak nen nok, peebi mondok-mondok At Aliku ALA paga mban kiniki lunik logonip o.