Ndawi 13 - Ala Wone Peenok Peebi Mbanak

Aap tebenak mendek nen tamban eereegerak wone Ndawut nen ndawi ambi pereegerak yi aret me, it ndawi tiyangga inowe wogoreegwaarak.

¹ Kaliku ALA wae. An neebe komari eerogo mbo paninuk keegak, mondok-mondok logomunggun ilik? An keege neyo, kenete kumaappatinuk wonage keegak, Ne mande age,

² “Nonggop eeri?” yinuk, koonit mban unggwage, Ko'lu-kii'me niniki puru aago wonage, Eeke neegak, Ne mande ari nage, Ndi, ninom wim mbanak nen tebenogo panugwi iigak, Ne mande age, Eerigin o?

^3-4 Kaliku nogoba Ala wae. Kenegen liippanege, Wone yokkege yi, karuk konembunuk, onggo yo'nege, Eeru o. Eya eerogo panega'lek keegak, kangge neenok, It ninom wim mbanak nen, “Abu aret tebenogo pogo o,” yinuk, yogwe, Ndi, an ngginnari nage neenok, Ninom ogoorak nen inale'nggen lombok mbakwi, Eekwi iyo, Nenegen eya eerogo panege logot o.

⁵ Kat nen mbo panegeelik kiniki kunik ee'nabit wundi wage paga Niniki panggombunuk wonage, Nagap ndareegindak me, niniki ale'nggen mbake, Eeke agarik o.

⁶ Kat obeelom eeppanit wundi wage paga Ndawi paga Kaliku ALA kanep pege agarik o.