Ndawi 123 - Ala Wone Peenok Peebi Mbanak

Inabuwa mbaruwak nduk, tamban eereegwaarak wone Ndawi warit lagi nogogwaarak.

¹ Kat wone lengganogo yorage menggenom Mbogut paga menggendak nogo An nenegen nikkeya wage agarik o.

² Aap ambi ayeloman aap nen ogoba paga Iniki panggonak logonet, at mban pekkage, Kwe ambi ayeloman kwe nen agalo paga iniki panggonak logonet, at mban pekkage, Eeko mengga kwak, Aliku ninogoba Ala nen Ninabuwa mbaka'lek tit kagak Ninigen loorit mban unggwogo logowok o.

^3-4 Togop aret me, Kaliku ALA wae. Nit abeelik-abeelek eerogo pinanugwi iinok, Wobi-wobe lombok ee'ninabit unggwage me, Nit ninabuwa mbake logot o. It aap ineenggi warak op mban menggaarak nen Miyuk-meya eerogo pinanugwi, It aap, “Nit iya,” mbaka nen Ninabok nggarik-nggarek yogwe, Eekwi iinok, Nineebi lombok ee'ninake me, ninarigi mbake logot o.