PARJAMITA 10 - BIBEL JAMITA NA DENGGAN

¹ Bangke ni sada lanok pabusukkon sabotol miak na huskus, haotoon na saotik mangagohon bisuk na gincat.

² Patutna do halak na pistar mangkarejohon hadengganan, jana halak na oto mangkarejohon hajahatan.

³ Tarida do otona i salang di na mardalan pe ia, jana dipaboa-boa ia do habobangonna i tu halak sudena.

⁴ Muda hona muruk ho dibaen raja. Ulang pola pangido maradian markarejo. Haru pe palka hasalaanmu, disesa do i muda tenang ho jana sobar.

⁵ Adong hajahatan na asing huida di tano on, i ma hageduhan ni raja dohot parkuaso.

⁶ Halak na oto dilehen jabatan, hape halak na kayo nada dipardulihon.

⁷ Jungada do huida markudo angka hatoban hapengani angka anak ni raja mardalan pat songon hatoban.

⁸ Sanga ise manghuar lubang, muli madabu do ia tu bagasan; sanga ise na mansegoi tembok turbingon ni ulok ma ia.

⁹ Sanga ise na karejo mangungkit batu, tombom do i jana margasa. Sanga ise na mambola hayu, ra do i gabe marmara.

¹⁰ Muda majal gupakmu jana nada digarut ho, angkon mur loja ho markarejo. Pake ma torang pikiranmu, jana jolo baen ma sangkapmu.

¹¹ Muda manurbing ulok painte so dipajinak dohot jampi, gabe nada marguna be pawang ni ulok disi.

¹² Hata ni halak na pistar do mambaen sangap ia, hape anggo halak na oto, mago do hara ni hata-hatana.

¹³ Dipungka ia do dohot hata rarat na somal, hape ujungna manghobari ia songon na rintik.

¹⁴ Tutu do, doras do pangkuling ni halak na oto. Buni do di hita sudena ari na giot ro. Nada adong na malo mangaramal na giot masa dung salpu hita.

¹⁵ Hum na mangalojai dirina do karejo ni halak na bodo; nada diboto ia anggo dalan tu kota.

¹⁶ Marjaya do luat na marrajahon jolma na bajar, jana angka parpangkatna sasaborngin marhorja godang.

¹⁷ Mardohar do luat na marrajahon na marsahala, na mangan di hatihana angka na marpangkatna, na so ra mabuk jana na malo mangorom dirina.

¹⁸ Muli tiris do tarup ni bagas muda dipadiar, jana ujungna marumpak do bagas i hara ni halosohon.

¹⁹ Pesta mambaen martata, jana anggur mambaen marmoga-moga. Tapi porlu do hepeng laho manggararisa.

²⁰ Ulang nialo raja, haru pe di bagasan roha. Ulang niburaan halak na mora, haru pe iba di bagasniba. Betak na adong do sada unggas umbege na nipardokkonan, gabe dipalalusa i tu na indohan.