MASMUR 99 - BIBEL JAMITA NA DENGGAN

Debata, raja godang

¹ Raja do Tuhan, marhabangsa di ginjang ni kerub; humitir angka bangso portibi pe lumalo-lalo.

² Na markuaso situtu do Tuhan di Sion, diatasi Ia sandok bangso.

³ Padiar ma halahi mamuji goarNia na tongam marmulia, angke na badia do Ia!

⁴ Raja na marsahala, dihaholongi Ho do na tutu, madung dihajongjongkon Ho do hatutuan. Uhum dohot hatigoran didalankon Ho di tonga-tonga ni pomparan ni si Jakob.

⁵ Puji ma Tuhan Debatanta, manungkap ma hamu di joloNia, angke na badia do Ia!

⁶ Si Musa dohot si Harun do angka malimNia, si Samuel do sada na martangiang tuSia. Pio-pio do halahi tu Tuhan, jana dilehen Ia do alusna.

⁷ Sian tiang ombun mangkuling Ia tu halahi, dioloi halahi do sude parentaNia i.

⁸ Ale Tuhan Debatanami, Debata na sai mangampuni do Ho. Uhumi ma bangsoMi hara ni hasalaan ni halahi, hape tangiang ni halahi laing dialusi Ho muse.

⁹ Somba sujut ma tu Tuhan Debatanta, angke na badia do Ia. DiSia do sangap dohot puji, di DolokNia na badia i.