MASMUR 98 - BIBEL JAMITA NA DENGGAN

Debata pangarajai ni portibi

¹ Endehon hamu ma ende na imbaru di Tuhan, angke hahomangan situtu do pambaenanNia. Marhite kuaso dohot hagogoonNia sandiri dapot Ia do hamonangan.

² Dibaritahon Tuhan do haluaan na sian Ia, dipataridahon Ia do hatigoranNia di jolo ni angka bangso.

³ Ditiop Ia do janjiNia tu Israel, bangsoNa i, dibaen sai holong do rohaNia jana setia tu halahi. Sude bangso di portibi madung marnida haluaan na sian Debatanta.

⁴ Marsurak-surak ma hamu di Tuhan, ale sandok tano on, marsurak ma hamu jana pajojor masmur marjop ni roha!

⁵ Puji hamu ma Tuhan mardongan hasapi, mardongan hasapi dohot angka ende na jeges-jeges.

⁶ Palu hamu ma sarune dohot sangkakala, marsurak ma hamu di Tuhan, Rajanta.

⁷ Gumadobur ma ale laut dohot sude isina, portibi dohot sandok na manginganisa.

⁸ Martopapi ma angka batang aek, marsuraki ma angka dolok di adopan ni Tuhan.

⁹ Angke na ro do Ia laho manguhumi tano on; marhite hatigoran diadili Ia angka bangso.