MASMUR 93 - BIBEL JAMITA NA DENGGAN

Tuhan , raja na manongtong

¹ Ale Tuhan, Ho do raja; na godang jana marsahala. Togu do parjongjong ni tano on nada tarbaen matolbak.

² Sian mulana do habangsaMu tohong, sian na manongtong do Ho adong.

³ Ale Tuhan, pio-pio do tandolan ni laut, marsurak jana gumadobur.

⁴ Ho do parkuaso godang di banua ginjang, gumogo sian laut do Ho. Gumogo dope kuasoMu ale Tuhan, ulang pado ombak ni laut na jorbut.

⁵ O Tuhan, hot do manongtong uhumMu, sai badia do sapanjangna BagasMu.