MASMUR 87 - BIBEL JAMITA NA DENGGAN

Pujian tu Jerusalem

¹ Di ginjang ni dolok na badia adong kota na dipajongjongNia.

² Sian sasude kota na diingani ni si Jakob Sion do na umbahat dihaholongi Tuhan.

³ Angka pangalaho na denggan didokkon taringot tu ho; ale Kota Ni Debata.

⁴ Dokkononku ma Rahab dohot Babel di tonga-tonga ni angka jolma na mananda Au, jana dohot di Pilistea, Tirus dohot Etiopia, “On ma na disorangkon dison.”

⁵ Salaho tu Sion didokkon ma, “Di bagasanna do sude halahi disorangkon jana Ia Na Gumincat na giot pahotkon halahi.”

⁶ Dietong Tuhan do angka bangso di hatiha manyuratkon, “On ma na disorangkon disi.”

⁷ Manortori ma halahi jana marendei, “Di Sion do dapot mual ni pasupasu di hami!”