Biblia Todo Logo
Bìoball air-loidhne

- Sanasan -

MASMUR 4 - BIBEL JAMITA NA DENGGAN


Tangiang borngin

1 Ale Debata, Ho do mangampini au, alusi ma muda pio-pio au. Muda susa au, diurupi Ho do au; saonnari ibo rohaMu di au jana tangihon ma tangiangku.

2 Hamu ale angka jolma, sadia honok nari hamu palayas hamuliaonKu? Olat ni andigan sai mangkojar na soada, dohot mangkaholongi na so marguna?

3 Boto hamu ma, na dung ditodo Tuhan halak na nihaholonganNia, ditangihon Tuhan do muda pio-pio au tuSia.

4 Padiar ma muruk hamu, tapi ulang be mardosa. Haru pe muruk ho simpan ma i di bagasan rohamu sajo jana pahusor-husor ma i di na payak ho modom di na buni borngin ni ari.

5 Pasahat ma haul na sapatutna, jana haporsayai ma Tuhan.

6 Miduk do halak na mandok, “O Tuhan, pasupasu ma hami, sai lomo ma rohaMu mida hami.”

7 Jopan do rohangku dibaen Ho ulang pado halak na marlobian di harto.

8 Gabe modom ma au di bagasan sonang angke hum Ho do da Tuhan na bisa manjago au.

Indonesian Bible Society

Indonesian Bible Society
Lean sinn:



Sanasan