MASMUR 29 - BIBEL JAMITA NA DENGGAN

Sora ni Tuhan di bagasan alogo na gogo

¹ Puji ma Tuhan i, hamu ale angka mahluk parbanua ginjang, puji hamu ma hagodanganNia dohot kuasoNa.

² Puji hamu ma goar ni Tuhan Na Marmulia i marsomba ma hamu tu Tuhan mardongankon habadiaan.

³ Mangaronggur di ginjang ni laut na bidang Debata Na Marmulia marsaringar di ginjang ni aek soraNia.

⁴ Gok hagogoan do sora ni Tuhan, sora ni Tuhan gok hakuasoon.

⁵ Mangkabiltak do angka hayu dibaen sora ni Tuhan, salang bona ni sampinur Libanon pe marbolaan.

⁶ Mangambur-ambur Dolok Libanon dibaen Ia, songon dia ma anak ni lombu jara-jara. Dolok Siryon marhujinjang dibaen Ia songon pangalaho ni anak ni bedu.

⁷ Sora ni Tuhan mambursikkon jilam ni api.

⁸ Sora ni Tuhan mambaen padang-padang humutur, Parhorsihan Kades dibaen Ia marsaringar.

⁹ Sora ni Tuhan mambaen maranak ursa boru-boru, jana harangan gabe gundul, jana di bagasNia sandok jolma mandok: “Sangap!”

¹⁰ Guru di kuaso ni Tuhan do aek na oto, jana Ia do na mamarenta salolot-lolotna, Ia do.

¹¹ Sai dipargogoi Tuhan ma bangsoNia, jana mangalehen hasonangan di halahi.