MASMUR 16 - BIBEL JAMITA NA DENGGAN

Tangiang na gok haporsayaan

¹ Jagohon ma au, ale Debata, tu Ho do au maronding-onding.

² Ningku, “Ho do Tuhanku, sude na denggan hujagit sian tanganMu!”

³ Hupasangap angka halak na daulat di luat on, tinggal rap dohot halahi, i ma huhagiotkon.

⁴ Halak na manyomba debata sileban parohon mara tu dirina sandiri. Nada ra au marhaul tu debata sileban, bope hum mandok goar ni halahi.

⁵ Ho sajo do, Tuhan na gabe bagianku; sude na porlu di au, lehenonMu; di tanganMu do ngolungku.

⁶ Na denggan do na nilehenMi di au ale Tuhan, mambaen rohangku tongtong sonang!

⁷ Pujionku ma Tuhan na mangajari au, di tonga borngin pe rohangku parbagasan i paingot au.

⁸ Sai torang do rohangku di haroro ni Tuhan donok do Ia, nada pola au jabat gamang.

⁹ Jadi ngolungku marsurak-surak, rohangku marmoga-moga, pamatangku sonang soada mara,

¹⁰ angke nada dipadiar Ho au mate, halak na nihaholonganMu nada dilehen Ho tu hamatean.

¹¹ Dipatidahon Ho do tu au dalan hangoluan; rap dohot Ho mambaen au gok hamogaan dipapuas Ho rohangku salolot ni lolotna.