MASMUR 14 - BIBEL JAMITA NA DENGGAN

Hajahatan ni jolma

¹ Didok halak na oto di bagasan rohana, “Nada adong Debata.” Karejo ni halahi hodar jana hagigian nada adong na mambaen hadengganan.

² Sian banua ginjang ditatap Tuhan i do jolma, manjalaki na bisuk na ra manyomba Ia.

³ Tapi sude halak madung lilu jana jorngang, nada adong na mambaen na denggan, umpe sada.

⁴ Didok Tuhan, “Na so diboto angka na jahat i do na disamun halahi bangsongKu jana nada jungada halahi martangiang tu Au?”

⁵ Tapi tongkin nari gaor ma halahi gok habiaran dung diida halahi jolma na niurupan ni Tuhan.

⁶ Digaor halak na jahat i angka sangkap ni halak na pogos, hape jolma na pogos i do na diurupi Tuhan.

⁷ O Tuhan ni Israel tangihon pangidoan on, lehen ma hamonangan sian Dolok Sion. BangsoMi angkon marjop ni roha mangulahi, muda dibahen Ho marjop ni roha jana marhasonangan halahi.