MASMUR 13 - BIBEL JAMITA NA DENGGAN

Tangiang ni halak na di parsahitan

¹ Lopus andigan ale Tuhan? Ro di salolotna do halupahononMu au, jana monjap sian au?

² Lopus andigan hasusaan taononku, marsak sasadari, jana tunduk tu musu?

³ Parate-atehon jana alusi au, ale Tuhan Debatangku. Pargogoi au jana ulang padiar mate au,

⁴ anso ulang monang musungku, disurak halahi au dohot hata, “Madung hami taluhon ia!”

⁵ Tapi anggo au mararop ni roha do tu ibo ni rohaMu, marmoga-moga ma rohangku, angke Ho palua au.

⁶ Marende ma au di Ho, Tuhan, angke dibaen Ho tu au na denggan.