MASMUR 126 - BIBEL JAMITA NA DENGGAN

Tangiang mangido haluaan

¹ Di na nioban ni Tuhan hita mulak tu Jerusalem, songon halak na marnipi do hita!

² Sai torus do hita martata jana marende marjop ni roha gabe jabat dipardokkoni angka bangso na asing, “Godang ma tutu na nipatupa ni Tuhan tu halahi!”

³ Olo, tutu do i, bahat do na nipatupa ni Tuhan di hita, marjop ni roha ma hita!

⁴ Oban ma hami mulak, ale Tuhan, tu tanonami, songon udan na mambaen tangkuju di batang aek na hiang di tano Negeb.

⁵ Ise na manyabur mardongan arsak, manyabi ma ia marjop ni roha.

⁶ Mardongan ilu ni matana, kehe ma ia manyabur same di ladangna. Mardongan ende jop ni roha mulak ma ia marobani angka sageanna.