MASMUR 121 - BIBEL JAMITA NA DENGGANTuhan do parlinggomanta 1 Mangaranap do matangku dompak dolok, sian dia do luai ro pangurupion di au? 2 Sian Tuhan do ro anggo pangurupion di au, sian sitompa langit dohot tano. 3 Nada padiaronNia ho tinggang madabu, sai jonggor do sipanjagomu. 4 Tutu do antong, anggo panjago ni Israel i nada modom sanga nono matana. 5 Jagohonon ni Tuhan do ho, sai di lambungmu do Ia laho mangondihon ho. 6 Nada jadi hancitan ho hara ni panyoro ni mataniari, dompak arian sanga hara ni bulan pe dompak borngin. 7 Jagohonon ni Tuhan ma ho sian parmaraan, jagohononNia do ho anso marhasonangan. 8 JagohononNia do ho laho ro dohot laho kehe, saonnari ro di salolot ni lolotna. |
Indonesian Bible Society
Indonesian Bible Society