MASMUR 121 - BIBEL JAMITA NA DENGGAN

Tuhan do parlinggomanta

¹ Mangaranap do matangku dompak dolok, sian dia do luai ro pangurupion di au?

² Sian Tuhan do ro anggo pangurupion di au, sian sitompa langit dohot tano.

³ Nada padiaronNia ho tinggang madabu, sai jonggor do sipanjagomu.

⁴ Tutu do antong, anggo panjago ni Israel i nada modom sanga nono matana.

⁵ Jagohonon ni Tuhan do ho, sai di lambungmu do Ia laho mangondihon ho.

⁶ Nada jadi hancitan ho hara ni panyoro ni mataniari, dompak arian sanga hara ni bulan pe dompak borngin.

⁷ Jagohonon ni Tuhan ma ho sian parmaraan, jagohononNia do ho anso marhasonangan.

⁸ JagohononNia do ho laho ro dohot laho kehe, saonnari ro di salolot ni lolotna.